સુરતમાં નવસર્જન ટ્રસ્ટના સભ્યોએ પોલીસ કમિશ્નરને આવેદનપત્ર આપ્યું

સુરત : શહેરમાં તક્ષશિલા આર્કેડની ગોઝીરા ઘટના બાગ સમગ્ર રાજ્યમાં રોષ ફાટી નીકળ્યો છે. જેમાં વહીવટી તંત્ર અને ટ્યૂશન સંચાલકો સહિત બિલ્ડરના મેળા-પીપળામાં 22 જેટલા માસૂમ વિદ્યાર્થીઓએ પોતાનો જીવ ગુમાવ્યો છે. ત્યારે રાજ્યભરના લોકો આ બધા સામે પગલા ભરવાની માગ કરી રહ્યાં છે. શહેરના નવસર્જન ટ્રસ્ટ દ્વારા પોલીસ કમિશ્નરને આવેદનપત્ર પાઠવવામાં આવ્યું છે.

આ નવસર્જન ટ્રસ્ટના સભ્યોએ વકીલ દ્વારા પોલીસ કમિશનરને લેખિતમાં જણાવ્યું છે કે, આ ઘટનાની ઉંડાણપૂર્વક તપાસ કરવામાં આવે. સાથે જ ઘટનામાં સુરત મહાનગરપાલિકાના ઉચ્ચ અધિકારીઓ અને બિલ્ડર ના મેળા- પીપળામાં સાંઠગાંઠ છે. જેથી સમગ્ર કેસની સંપૂર્ણપણે યોગ્ય તપાસ કરવામાં આવે.