સુરત: વરાછા વિસ્તારમાં કર્ફ્યૂ દરિમયાન ફરજ બજાવી રહેલી મહિલા પોલીસકર્મી સાતગે સાથે આરોગ્ય પ્રધાનના પુત્ર અને તેના મિત્રોએ અભદ્ર વર્તન કર્યુ હતું. જેનો એક ઓડિયો વાયરલ થતાં પોલીસ બેડામાં ખળભડાટ મચ્યો છે, તો બીજી તરફ મહિલા પોલીસકર્મીની રજૂઆતને ધ્યાનને ન લેતાં તેણે રાજીનામાની અરજી કરી છે.
મળતી માહિતી પ્રમાણે, ગુરુવારે મોડી રાત્રે બનેલી એક ઘટના હાલ સુરત સહિત રાજ્યના ચર્ચાનો વિષય બની છે. સુરત શહેર પોલીસના હેડ ક્વાર્ટર ખાતે ફરજ બજાવતી લોકરક્ષક કોન્સ્ટેબલ સુનિતા યાદવ, પોલીસ અધિકારી આરોગ્ય રાજ્ય પ્રધાન કુમાર કાનાણીના પુત્ર વચ્ચેની વાતચીતનો ઓડિયો સામે આવ્યો છે. ગુરૂવારે રાત્રે સુરતના વરાછા વિસ્તારમાં આવેલા હીરાબજારમાં કારમાં માસ્ક વગર પાંચ યુવકો રસ્તા પર ફરી રહ્યા હતાં. કર્ફ્યુનો ભંગ થતો હોવાથી સુનિતા યાદવે તેમને અટકાવ્યા હતા. જેના પગલે યુવાનો અને પોલીસકર્મી વચ્ચે માથાકૂટ થઈ હતી. આ સમગ્ર ઘટના વચ્ચે યુવકોએ આરોગ્ય રાજ્ય પ્રધાન કુમાર કાનાણીના દીકરા પ્રકાશ કાનાણીને ફોન કર્યો હતો અને થોડીવારમાં પ્રકાશ ત્યાં આવ્યો હતો. ત્યારબાદ બંને વચ્ચે મામલો બીચકયો હતો.
નોંધનીય છે કે, સમગ્ર મામલે કોન્સ્ટેબલે વરાછા પોલીસ સ્ટેશનના ઇન્સ્પેક્ટર બી.એન.સગરને પણ જગ્યા પરથી ફોન કર્યો હતો અને આખી વાત કહીં હતી. જો કે, બાદમાં સુનિતા યાદવની ડ્યુટી વિડ્રો કરી દેવામાં આવી હતી અને તેમને જગ્યા છીડી દેવાનું કહેવામાં આવ્યું હતું. જો કે, એક ઓડિયોમાં પોલીસ અધિકારી સાથે પણ સુનિતા યાદવ અયોગ્ય વર્તન કરતાં જણાય છે.
પોલીસ કમિશનર આર.બી બ્રહ્મભટ્ટે કહ્યું હતું કે, સમગ્ર ઘટનાનો ઓડિયો સાંભળ્યો છે અને સમગ્ર ઘટના અંગે તપાસ કરી જેની પણ ભૂલ હશે તેની સામે પગલાં લેવામાં આવશે.