લોહીથી લથબથ હાલતમાં શ્રમિકનો મૃતદેહ મળી આવતા ચકચાર, હત્યાની આશંકા

સુરત: શહેરના ઉધના વિસ્તારમાંથી યુવકનો મૃતદાહ મળી આવ્યો હતો. શ્રમિકની લોહીથી લથબથ હાલતમાં મૃતદેહ મળી આવતા પોલીસ ઘટના સ્થળે દોડી આવી અને તપાસ હાથ ધરી હતી. હત્યાની આશંકાના આધારે પોલીસે કેટલાક લોકીની પૂછપરછ પણ શરૂ કરી દીધી છે.

સુરતના ઉધના વિસ્તારમાં આવેલા શાહ એન્ટરપ્રાઈઝમાં કામ કરતા શ્રમિકની શંકાસ્પદ હાલતમાં મૃતદેહ મળી આવ્યો હતો. શંકાસ્પદ હાલતમાં મૃતદેહ મળી આવતા પોલીસ ઘટના સ્થળે આવી પહોંચી હતી. ઉધના રોડ નમ્બર ત્રણનીઆ ઘટના છે. મૃતક શ્રમિકના મોઢાના ભાગે ગંભીર ઇજાના નિશાન પોલીસને મળી આવ્યા હતા. દુકાન બહાર જ સુતેલા ગુલામ નામના શ્રમિકની લોહીથી લથપથ હાલતમાં મૃતદેહ મળી આવતા ચકચાર મચી ગયો હતો.