સુરત પોલીસે રૂ. 19.50 લાખની લૂંટના આરોપીને ઝડપ્યા

સુરતમાં રવિવારે રામપુરા વિસ્તારમાં તેલના વેપારી પાસેથી આરોપીઓએ 19.50 લાખની રોકડ રૂપિયા લઈને અને વેપારીને ચપ્પુના ઘા મારીને ફરાર થઈ ગયા હતા. આ બાબતની જાણ સ્થાનિક પોલીસને થતાં જ લાલગેટ પોલીસ, DCB, SOG અને ઉચ્ચ અધિકારીઓ દોડતા થઇ ગયા હતા અને સમગ્ર સુરત શહેરમાં નાકાબંધી ગોઠવી દેવામાં આવી હતી. તેમજ આરોપીઓની આજ સોમવારે મહિધરપુરા પોલીસે ધરપકડ કરી છે.

• 19.50 લાખના લૂંટના પ્રકરણમાં બે લોકોની ધરપકડ
• મહિધરપુરા પોલીસે આ પ્રકરણમાં તૌસીફ અને ગફાર શાહ (ગુડ્ડુ ભૈયા)ની ધરપકડ કરી
• ગફાર શાહ અને તૌસીફ બંને આ પહેલા પણ જેલ ગયા હતા
  

  સુરત

સુરત: પોલીસ ઝોન-2 મહિધરપુરા પોલીસના ડી-સ્ટાફની ટીમને એમ બાતમી મળી હતી કે, રામપુરા વિસ્તારમાં થયેલી 19.50 લાખની લૂંટ તૌશીફ અને ગફાર શાહ (ગુડ્ડુ ભૈયા)એ કરી છે. આ વાતની જાણ થતાં જ મહિધરપુરા પોલીસની ડિસ્ટાફની ટીમે તૌસીફ અને ગફાર શાહની ધરપકડ કરી હતી. પોલીસે તેમની પાસેથી કુલ 15.20 લાખની રકમ પોલીસે કબજે કરી છે. એમાંથી ગફાર પાસેથી 8.96.000 અને તૌસીફ પાસેથી 7.20.000ની રકમ મળી આવી.

સુરત

2016 અને 2019માં બંને પર કેસ દાખલ થઈ ચુક્યા છે

ગફાર શાહ જે પહેલા તેલના વેપારી અસ્લમ પાસે હતો. એ માટે ગફાર શાહ અસ્લમના પૈસા ક્યાં આપવા જાય કઈ ગલીમાં આપવા જાય બધી જ ખબર હતી. આ વાતની જાણ તેણે પોતાના મિત્ર તૌસીફને જણાવતા બન્ને જણાએ લૂંટ કરી અને છરી મારીને ફરાર થઈ ગયા હતા. તૌસીફ પર આ પહેલા 2016માં ખટોદરામાં તેના વિરુદ્ધ કેસ દાખલ થાય છે અને 2019માં તેણે પાસ હેઠળ પણ મોકલવામાં આવ્યો હતો અને ગફાર શાહના વિરુદ્ધ પણ ગયા વર્ષે લાલગેટ પોલીસ સ્ટેશનમાં ગુનો દાખલ થયેલો છે.

સુરત