સુરત : શહેર પોલીસે 75 ટકા માનસિક દિવ્યાંગ વ્યક્તિ પર વાહન ચોરીનો ગુનો નોંધી તેને જેલમાં મોકલી આપ્યો હતો. જો કે 43 વર્ષીય દિવ્યાંગ મોહમ્મદ સરફરાઝ અબ્દુલ સત્તાર શેખ ઉર્ફે મુન્નાના મામાએ તરત જ વકીલનો સંપર્ક કર્યો હતો. ત્યારબાદ વકીલ નદીમ ચૌધરી જજ સમક્ષ હાજર થયા અને વીડિયો કોન્ફરન્સિંગ દ્વારા મુન્નાને જેલમાંથી મુક્ત કરાવ્યો હતો. જણાવી દઈએ કે મુન્નાની હાલત એટલી દયનીય હતી કે તેને શૌચનું પણ ભાન નથી હોતું.
પોલીસતંત્ર પર પ્રશ્નાર્થ ચિહ્ન : પોલીસ જેને બે રીક્ષા ચોરીનો આરોપી ગણાવી રહી છે તેની પાસે ભારત સરકાર અને ગુજરાત સરકારનો દિવ્યાંગ હોવાનું ઓળખકાર્ડ પણ છે. આ ઓળખકાર્ડમાં સ્પષ્ટપણે જણાવવામાં આવ્યું છે કે તે 75 ટકા માનસિક દિવ્યાંગ છે. પોલીસે તેને આરોપી તરીકે રજૂ કરતાં તેની સામે બે વાહન ચોરીનો ગુનો નોંધ્યો છે. તેની તબીબી સારવાર થઈ હશે, જેમાં તબીબોએ આ તરફ ધ્યાન ન આપ્યું અને કંઈપણ વિચાર્યા વિના તેને જેલમાં મોકલી દેવાથી પોલીસતંત્ર પર પ્રશ્નાર્થ ચિન્હ ઊભો થયો છે.
આ પણ વાંચો
- બે ઓટો મિકેનિક કાર રીપેર કરવાના બહાને મહારાષ્ટ્ર અને ગુજરાતમાં કરતા હતા કારની ચોરી, ક્રાઈમ બ્રાન્ચે ઝડપ્યા
- સુરત પોલીસે ઓટી રીક્ષામાં પ્રવાસીઓના પર્સ અને મોબાઈલની ચોરી કરતી ગેંગને દબોચી લીધી
- મહિલા પ્રવાસીનો અઢી તોલાનાં ચેઈન સેરવી લેનારા આરોપી રાજકોટથી ઝડપાયો
ઓટોચાલકે ફરિયાદ નોંધાવી હતી : મામાએ અંદાજ લગાવ્યો છે કે જે દિવસે તે ઘરેથી ભાગ્યો હતો તે દિવસે તેણે આવી ઓટોમાં બેસીને તેને પગ મારી અને વાહનને ક્યાંક ટક્કર મારી હશે. ત્યારબાદ લોકોએ હોબાળો મચાવ્યો હશે અને મુન્નાને પકડીને પોલીસને હવાલે કર્યો હશે. આ મામલે ઓટોચાલકે ફરિયાદ નોંધાવી હતી. ઈકબાલ જણાવે છે કે જ્યારે તે ગેરેજ પર કામ કરતો હતો ત્યારે આગળનું એન્જિન ઓટો ચાલતું હતું, પરંતુ હવે પાછળનું એન્જિન ઓટો ચાલે છે, જેને ચાવી વગર ચલાવવું અશક્ય છે. માનસિક અસ્થિર વ્યક્તિ કઈ રીતે વાહન ચલાવી શકે છે ?
મુન્નો સગરામપુરામાંથી ભાગી ગયો હતો : આ પછી મુન્નાના મામા ઇકબાલને પોલીસ સ્ટેશનમાંથી ખબર પડી કે મુન્નાની ધરપકડ ઓટો ચોરી ગુનામાં કરવામાં આવી છે. મામા જ્યારે પોલીસ સ્ટેશન ગયા ત્યારે તેમને માત્ર કોર્ટમાં જવાનું કહેવામાં આવ્યું. પોલીસ સ્ટેશનમાં વાત કરતાં ખબર પડી કે મુન્ના સામે એક નહીં પરંતુ બે ઓટો ચોરીના કેસ નોંધાયેલા છે. ઈકબાલને આઘાત લાગ્યો કે 75 ટકા માનસિક વિકલાંગ વ્યક્તિ કેવી રીતે ઓટો ચોરી કરી શકે છે. આ કેસ વરાછા પોલીસ સ્ટેશનમાં નોંધવામાં આવ્યો છે અને મુન્ના સગરામપુરામાંથી ભાગી ગયો હતો, જે વચ્ચે 6 થી 7 કિલોમીટરનો તફાવત છે. આ તમામ હકીકતો વકીલ દ્વારા કોર્ટ સમક્ષ રજૂ કરવામાં આવી હતી.
અમે મેજિસ્ટ્રેટ સમક્ષ ગયા અને કહ્યું કે મુન્ના માનસિક રીતે અસ્થિર છે તેને છોડી દેવો જોઈએ. અમે તેનું પ્રમાણપત્ર બતાવ્યું જેમાં તે 75 ટકા દિવ્યાંગ છે, પછી તરત જ વીડિયો કોન્ફરન્સના માધ્યમ દ્વારા તેમને જામીન આપવામાં આવ્યા હતા. મેજિસ્ટ્રેટને કહેવું પડ્યું કે જો તે જેલમાં શૌચ કરશે તો તેને સાફ પણ નહીં કરી શકે...નદીમ શેખ (વકીલ)
પોલીસનું શું કહેવું છે :વરાછા પોલીસ સ્ટેશનના ઇન્સ્પેક્ટર એ.એન. ગબાણીના જણાવવા મુજબ ડોક્ટરના રિપોર્ટના આધારે જ પોલીસ નક્કી કરી શકે છે. જોકે ડોક્ટરના રિપોર્ટના આધારે જ અમે નક્કી કરી શકીએ કે આરોપી માનસિક રીતે દિવ્યાંગ છે કે નહીં. આ ઉપરાંત મેડિકલ સર્ટિફિકેટના આધારે કોર્ટ જ નક્કી કરશે કે કોઈપણ વ્યક્તિ માનસિક રૂપથી અસ્થિર છે કે નહીં. જોકે આ તપાસનો વિષય છે કે સર્ટિફિકેટ જે છે તે બોગસ તો નથી. છેલ્લો નિર્ણય કોર્ટના આદેશ મુજબ જ કરવામાં આવે છે.
સગરામપુરાના રહેવાસી : મુન્નાને હંમેશા ઘરમાં બેડીઓથી બાંધીને રાખવામાં આવતો હતો. વારંવાર ભાગી જવાની આદતને કારણે તેના મામા ઈકબાલ આવું કૃત્ય કરતો હતો. મુન્નાના માતાપિતા નથી. જ્યારે તેને શૌચ લાગે છે, ત્યારે તે કહી પણ શકતો નથી અને તે થઈ ગયા પછી સફાઈ કરવામાં આવે છે.
75 ટકા દિવ્યાંગ યુવકને શૌતનું પણ ભાન નથી રાત્રે બેડીઓ નબળી રીતે બાંધેલી હતી : મુન્નાના મામા ઈકબાલ સિવિલમાં નોકરી કરતા હતા અને તે વૃદ્ધ થઈ ગયો છે અને હવે તેંણે નોકરી છોડી દીધી છે. તે સાઈકલ લઈને ફરતા હતા. તેઓએ જણાવ્યું હતું કે, ખોરાક ખાધા પછી મુન્નાએ બેડીઓ ખોલીને ચાલવું પડ્યું. તે રાત્રે બેડીઓ નબળી રીતે બાંધેલી હતી. તે પહેલાં પણ ઘણી વખત ભાગી ગયો છે. તેના હાથ પર નંબરો લખવામાં આવ્યા છે, જેથી કોઈક રીતે તેનો સંપર્ક થઈ શકે. પરિવારે જણાવ્યું હતું કે જ્યારે તે નાનો હતો અને માનસિક રીતે સક્ષમ ન હતો ત્યારે તેને ગેરેજમાં લઈ જવામાં આવતો હતો, તેને તેલ લાવવા પાણી લાવવા જેવા કેટલાક કામ કરાવવામાં આવતા હતાં. જેથી તે સક્રિય રહે. કામ દરમિયાન પણ તે અંગૂઠો ચૂસતો હતો. ગેરેજ પર કામ કરવાને કારણે તેને ઓટોમાં બેસવાની આદત હતી.
