સુરતની કઇ કંપનીએ 17 કેરેટ માંથી બનાવ્યા ગ્રીન ક્રોસ ડાયમંડ

સુરતની લેબગ્રોન ડાયમંડ કંપનીએ પ્રથમ વખત લેબમાં ગ્રીન ક્રોસ ડાયમંડ(Green Cross Diamond) બનાવ્યા છેે. આ ગ્રીન ક્રોસ ડાયમંડ બનાવવા માટે પ્રથમ વખત 17 કેરેટના ડાયમંડનો ઉપયોગ કરવામાં આવેલ છે.(Cross Labgron Diamond) જે આંતરરાષ્ટ્રીય માર્કેટમાં એક આશ્ચર્યનો વિષય બની ગયો છે, આવા ડાયમંડ વિશ્વમાં પ્રથમ વખત જોવા મળશે. આ ડાયમંડને કઇ રીતે તૈયાર કરવામાં આવે છે, તેના પર એક નજર નાખીએ.

સુરત:ખ્રિસ્તી સમાજ માટે ક્રોસ આસ્થાનું પ્રતીક છે. ત્યારે સુરતની લેબગ્રોન ડાયમંડ કંપનીએ ખાસ વિશ્વના પ્રથમ 17 કેરેટના ક્રોસ લેબગ્રોન ડાયમંડ તૈયાર કર્યા છે. જે આંતરરાષ્ટ્રીય માર્કેટમાં આશ્ચર્યનો વિષય (Cross Labgron Diamond)બન્યો છે. સુરતની લેબગ્રોન ડાયમન્ડ કંપનીએ ખાસ ડિઝાઇનના લેબગ્રોન ડાયમંડ તૈયાર કર્યા છે. જે વિશ્વમાં પ્રથમ વખત જોવા મળશે. ક્રોસ 17 કેરેટ સિંગલ પીસ, એમ્રેલ 14 કેરેટ, ડોલ્ફિન 12 કેરેટ, બટર ફ્લાય 13 કેરેટ અને ફિશ 12 કેરેટ આ લેબગ્રોન ડાયમંડ આકર્ષણના કેન્દ્ર બન્યા છે.

કૃત્રિમ ડાયમંડની ડિમાન્ડ આંતરરાષ્ટ્રીય માર્કેટમાં વધી - લેબગ્રોન ડાયમંડ લેબોરેટરીમાંથી (Labgron Diamond Laboratory)ઉત્પાદિત થાય છે અને કાચા હીરાની સરખામણીમાં તેની કિંમત 75 ટકા ડાઉન છે. લેબગ્રોન, સીવીડી કે સિન્થેટિક ડાયમંડ બધી રીતે રીયલ ડાયમંડ કરતા સસ્તા પડે છે અને તેની ચમક રીયલ ડાયમંડ જેવી હોય છે. જો સર્ટિફિકેટ ન હોય તો કોઇ સામાન્ય વ્યક્તિ નહીં પણ ખુદ હીરાના વેપારીઓપણ રીયલ ડાયમંડ અને લેબગ્રોન ડાયમંડ વચ્ચેનો ભેદ પારખી શકે તેમ નથી. આથી સુરતના હીરા ઉદ્યોગકારોએ (Diamond industrialist from Surat)કૃત્રિમ ડાયમંડના ધંધામાં ઝંપલાવ્યું છે. કોરોના કાળમાં કૃત્રિમ ડાયમંડની ડિમાન્ડ આંતરરાષ્ટ્રીય માર્કેટમાં વધી છે. છેલ્લા ઘણા સમયથી લેબ્રોન ડાયમંડના એક્સપોર્ટમાં 200 ટકાનો વધારો જોવા મળી રહ્યો છે. આજ કારણ છે કે તેને આકર્ષક બનાવવા માટે સુરતની દરેક કંપનીઓ અવનવા આકાર આપી રહ્યા છે.

કેરેટના ક્રોસ લેબગ્રોન ડાયમંડ

આ પણ વાંચોઃસુરત: ડાયમંડ કંપની દિયોરા એન્ડ ભંડેરી કોર્પોરેશનમાંથી જપ્ત કરાયેલા હીરા થશે મુક્ત

સાઈન્ટિફિક પેરામીટર બધું એકસરખું -ભંડેરી ગ્રુપના ચેરમેન ઘનશ્યામ ભંડેરીએ જણાવ્યું હતું કે આ લેબગ્રોન ડાયમંડ છે. જે ખાણમાંથી ડાયમંડ નીકળે છે તેના કરતા પણ સારી ક્વોલિટીના ડાયમંડ હોય છે. સાઈન્ટિફિક પેરામીટર બધું એકસરખું હોય છે. આ લેબમાં તૈયાર કરવામાં આવતા હોય છે એની ખાસિયત છે કે એનાથી પૃથ્વીને કોઈ નુકસાન થતું નથી. જ્યારે નેચરલ ડાયમંડ કાઢવા માટે પૃથ્વીને નુકસાન થાય છે. જેના કારણે પ્રાણીઓ પણ અસરગ્રસ્ત થાય છે સંપૂર્ણ પણે આને ગ્રીન ડાયમંડ કહી શકાય.

આ પણ વાંચોઃત્રણ દિવસના સર્ચ ઓપરેશનમાં હીરાની કંપની પાસેથી આવક વિભાગને 500 કરોડના મળ્યા બેહિસાબી ડોક્યુમેન્ટ

ખાસ મશીનો અને કારીગરો પાસેથી કામ કરાવીએ છીએ -તેઓએ વધુમાં જણાવ્યું હતું કે અમે જે ક્રોસ બનાવ્યું છે તે 17 કેરેટનું છે વર્લ્ડનું પ્રથમ ક્રોસ ડાયમંડ છે જે સંપૂર્ણ રીતે અનકટ છે જ્યારે એ એમરેલ તૈયાર કર્યું છે તે પણ સોળ કેરેટનું છે જે ભારતનું પ્રથમ આ પ્રકારનું લેબગ્રોન ડાયમંડ છે. આ પ્રકારના ડિઝાઇન આપવા માટે અમે ખાસ મશીનો અને કારીગરો પાસેથી કામ કરાવીએ છીએ. આંતરરાષ્ટ્રીય બજારમાં બ્રાન્ડિંગ અને ખાસ ડિમાન્ડને જોઈ અમે આ ક્રોસ લેબગ્રોન ડાયમંડ તૈયાર કર્યું છે. જ્યારે લેબ થી આ ડાયમંડ કાઢવામાં આવે છે ત્યારે આ સ્ક્વેર ડિઝાઇનમાં હોય છે ત્યારબાદ કારીગરના માધ્યમથી જે આકાર આપવો હોય છે તે આપવામાં આવે છે. નેચરલ ડાયમંડ કરતા તેની કિંમત માત્ર તેની સરખામણીમાં 33 ટકા હોય છે.