સુરતઃ સમગ્ર દેશમાં આગવી ઓળખ ઉભી કરનાર અને જેનું ઉદ્ઘાટન ખુદ દેશના વડાપ્રધાન નરેન્દ્ર મોદીએ કર્યું હતું. એ કિરણ હોસ્પિટલમાં પહેલીવાર કિડની ટ્રાન્સપ્લાટનું સફળ ઓપરેશન કરવામાં આવ્યું છે.
ટુંક સમયમાં પોતાની આગવી ઓળખ ઉભી કરનાર કિરણ હોસ્પિટલનો ઉદ્દેશય નહીં નફો-નહીં નુકસાનનો છે. ટૂંક સમયમાં હોસ્પિટલે પોતાની આગવી ઓળખ ઉભી કરવાને કારણે દેશના અલગ-અલગ રાજ્યોથી લઈ વિદેશમાંથી પણ દર્દીઓ સારવાર માટે આવે છે. હોસ્પિટલમાં સુખી સંપન્ન પરિવારથી લઇ સામાન્ય પરિવારના દર્દીઓ પણ સેવા લઈ રહ્યા છે. અહીં સરકારની દરેક યોજનાઓનો લાભ પણ આપવામાં આવે છે.
કિરણ હોસ્પિટલના સીઈઓ ડો.રવિન્દ્રના જણાવ્યાં અનુસાર કિડનીના તમામ રોગો માટે સામાન્ય નિદાનથી લઈ દરેક પ્રકારના ઓપરેશન અને ડાયાલીસીસની સુવિધાઓ પુરી પાડવામાં આવે છે.
22 ડિસેમ્બરના રોજ કુશળ ડોક્ટરોની ટીમ દ્વારા 19 વર્ષીય સમર્થ મેસૂરિયા નામના યુવાન દર્દીને તેમના 43 વર્ષીય પિતા નિલેશ મેસૂરિયા દ્વારા કિડનીનું દાન કરી સુરતમાં પહેલું કિડની પ્રત્યારોપણનું સફળ ઓપરેશન કરવામાં આવ્યું. હવે કિડનીના બીજા દર્દીઓએ પણ કિડનીનું પ્રત્યારોપણ કરવું હોય, તો હવે સુરતમાજ આ સુવિધા ઉપલબ્ધ થશે, હવે સુરતના લોકોને કિડની ટ્રાન્સપ્લાન્ટ માટે બીજા શહેરોમાં જવાની જરૂરત પડશે નહિ.
