રત્ન કલાકારની અદભૂત કળા: ડાયમંડ પર ભારતનો નકશો અને પીએમ મોદીની આકૃતિ

સુરત: અહીંના રત્ન કલાકારની ડાયમંડ પર અનોખી કળા જોઈ તમે આશ્ચર્યમાં મુકાઈ જશો. આ યુવકે રિઅલ ડાયમંડને ભારતના નકશાનો આકાર આપી તેની અંદર વડાપ્રધાન નરેન્દ્ર મોદીની આકૃતિ બનાવી છે. યુવાનની ઈચ્છા આ ખાસ ડાયમંડને વડાપ્રધાન નરેન્દ્ર મોદીને ગિફ્ટ કરવાની છે.

સુરતના યુવક આકાશ સલીયાએ રિઅલ ડાયમંડને ભારત દેશના નકશાનું આબેહૂબ સ્વરૂપ આપીને અનોખી રીતે દેશભક્તિ રજૂ કરી છે. એટલું જ નહીં, દેશના વડાપ્રધાન નરેન્દ્ર મોદીને પણ ડાયમંડની આકૃતિમાં સ્થાન આપવામાં આવ્યું છે. પીએમ મોદીની આકૃતિ ડાયમંડ પર લેસર ટેકનોલોજીથી તૈયાર કરવામાં આવી છે. યુવાનની ઈચ્છા 1.5 કેરેટના દેશભક્તિ વાળા આ ડાયમંડને વડાપ્રધાન નરેન્દ્ર મોદીને રૂબરૂ મળીને તેમને ગિફ્ટ આપવાની છે.