આપણા દેશમાં તમામ સ્પોર્ટ્સમાં ક્રિકેટ આગવું મહત્વ ધરાવે છે. તેમાં પણ હાલ ચાલી રહેલી IPLના ટ્રેન્ડથી ક્રિકેટ ઇન્ડિયા માટે સોશિયલ સ્પોર્ટ્સ બની ગયું છે. જેથી સુરતની મુલાકાતે આવેલા દક્ષિણ આફ્રિકાના ક્રિકેટર અને વિશ્વના શ્રેષ્ટ ફિલ્ડરમાંથી એક જોન્ટી રોડ્સ દ્વારા 'ઈમ્પોર્ટન્સ ઓફ ફિલ્ડીંગ' સેમીનાર અંતર્ગત વિદ્યાર્થીઓને પોતાના દેશની સોશિયલ સ્પોર્ટ્સ માટે માર્ગદર્શન આપવામાં આવ્યું હતું. આ ઉપરાંત, તેમણે આવનારા વર્લ્ડ કપ 2019માં એશિયાની ત્રણ ટીમ સારો દેખાવ કરશે તેવી અપેક્ષા સાથે ઈંગ્લેન્ડનું પલડુ ભારી રહેશે તેવી ધારણા વ્યક્ત કરી હતી.
સાઉથ આફ્રિકાના ક્રિકેટર જોન્ટી રોડ્સ સુરતની મુલાકાતે એક સમયના બેસ્ટ પ્લેયર, ફિલ્ડર અને કેચર ગણાતા જોન્ટી એક શિક્ષિત પરિવારમાંથી આવે છે. તેમના માતા-પિતા બંન્ને શિક્ષક હોવા છતાં તેમને સ્પોર્ટસમાં જવા માટે સહકાર આપવા બદલ આભાર વ્યક્ત કર્યો હતો. આ સાથે જ તેમણે પોતે સ્પોર્ટ્સ સાથે જે રીતે શિક્ષણને મહત્વ આપ્યું તે જ રીતે અન્ય વિદ્યાર્થીઓ પણ પોતાના સોશિયલ સ્પોર્ટ્સ માટે ધ્યાન દોરે તેવી અપેક્ષા દાખવી હતી.
ઉલ્લેખનીય છે કે, યુનિવર્સીટીના કન્વેન્શન હોલમાં વિદ્યાર્થીઓ પણ આ સેમીનાર નિહાળી ઉત્સાહિત થઇ ગયા હતા અને હાલ સુધી માત્ર બેટિંગને મહત્વ આપતા ખેલાડીઓએ પણ ફિલ્ડીંગનું મહત્વ સમજ્યું હતું. જોન્ટીમાં જણાવ્યા મુજબ, તે સમયે કોઈપણ ખેલાડી છલાંગ મારતું ન હતું. તેની શરૂઆત તેમણે કરી હતી અને બાદમાં સચિન પણ પોતાની ફિલ્ડીંગ માટે જાણીતા થયા હતા.
