"GJ 5 ભલે ગમે ત્યાં જાય.." સુરતીઓ યુવાનોએ લોન્ચ કર્યુ રેપ સોન્ગ

સુરતઃ સિંગર હની સિંગ તેમજ બાદશાહના રેપ સોન્ગથી આજના યુવાનોમાં નવો ક્રેઝ જોવા મળે છે. સુરતના યુવાનોને પણ આવો ક્રેઝ લાગ્યો છે. સુરત સિટીને રિપ્રેઝન્ટ કરવા માટે 4 યુવાનોએ મળીને એક રેપ સોન્ગ બનાવ્યું છે. જેમાં સુરતની દરેક વિશેષતાઓને આવરી લેવાઈ છે.

આજની જનરેશનને કોઈ પણ વસ્તુ પીરસવા માટે તેમને ગમતું માધ્યમ ધ્યાનમાં રાખવું જરૂરી બની ગયું છે. સુરતને અલગ જ અંદાજમાં રિપ્રેઝન્ટ કરવા માટે 4 સુરતી યુવાનો કુણાલ શાહ, દેવ માંડવીવાળા, અબ્બીઉલ્લાહ સૈયદ, બની રેપરે હિપ હોપ રેપ સોન્ગનો સહારો લીધો છે. જેમાં સુરતની ઓળખ કહો એવી સુરતના જમણ, લોકોની કમાવાની આવડત, ડાયમંડ સિટી, ઉદારવાદી અને વિશ્વાસુ જેવી સ્પેશિયાલિટીને આવરી લેવાઈ છે. આ રેપ સોન્ગમાં સુરત સિટીને બતાવવા માટે ડ્રોન કેમેરાનો ઉપયોગ કરાયો છે. જેથી તેને પ્રોફેશનલ ક્વોલિટી ટચ આપી શકાય.આ સોન્ગ નૈતિક કોસંબાવાળા એ એડિટ કર્યું છે.

ઉલ્લેખનીય છે કે , અગાઉ સુરત ઉપર બીજા રેપ સોન્ગ બની ચૂક્યા છે. આ સોન્ગને સારી ક્વોલિટી અમે હિપ-હોપ સ્ટાઈલમાં બનાવામાં આવ્યું છે. સાથે જ સુરતને ઓળખ આપતા જમણને અને સ્થળોને પણ ફિલ્માવાયા છે. આ સોન્ગને સોશિયલ મીડિયામાં 2700 જેટલા લોકોએ નિહાળ્યું છે.લિરિકસ રાઈટર કુણાલ શાહ કહે છે કે, આ રેપ સોન્ગ 2 મહિના પહેલા જ લખાઈ ગયું હતું. પરંતુ શૂટિંગ પ્લાનિંગમાં અડચણો ઉભી થઈ હતી. જેને કારણે 3 દિવસ પહેલા જ પબ્લિશ થયું છે. અમે આ સોન્ગને પ્રોફેશનલ ટચ આપવા માગતા હતા. કારણકે વાત સુરત સિટીની છે એટલે કોઈ પણ બાંધછોડ ન કરાઈ પછી ભલે સોન્ગ લોન્ચ કરવામાં વિલંબ થાય.રેપ સોન્ગમાં સુરતની સ્પેશ્યાલિટીને આવરી લેતી લાઈનસુરતનું જમણ અને કાશીનું મરણ એ વાતથી અહીંયા કોઈ અનજાન નથીઊંચા છે શોખ પણ કમાવાની ત્રેવડ, ત્યાં થોભે ના જ્યાં સન્માન નહીંશબ્દોમાં કડવાશ પણ દિલથી સાફ ,ગાળોમાં પ્રેમ સુરતની શાન આડાયમંડ સિટી સુરત ગ્રેટ છે, ગ્રેટ છેસાચું કહું ખોટા વખાણ નહીંબહારના લોકોને મળે રોજગાર, કમાવવાની તક અને મોટો વ્યાપારહિસાબમાં ચોખા અને રહે ઉદાર, સૌ સૌને મળે સૌનો સહકારવિશ્વાસુ અમે વિશ્વાસ અમારી વાતો પર, ઘમંડી લોકો ને લાવે અમે ઓકાત પરપીઠ પાછળ બોલતા અમને આવડે નહીં, સાચો મને ચડાવીએ ના ચણાના ઝાડ પરઅહીંયા એક જ ભાઈ GJ 5 ભલે ગમે ત્યાં જાય