રાજકોટ જિલ્લાના ગોંડલ-જેતપુર અને જામકંડોરણામાં અચાનક વાતાવરણમાં પલટો આવતા વાવાઝોડા સાથે વરસાદ વરસ્યો હતો. આ વરસાદના કારણે ધરતીપૂત્રો અને ફટાકડાના વેપારીઓ ચિંતામાં મૂક્યાં હતાં.
દિવાળીના દિવસે સૌરાષ્ટ્ર-દક્ષિણ ગુજરાતમાં વરસાદ - સૌરાષ્ટ્ર-દક્ષિણ ગુજરાતમાં વરસાદ
ગાંધીનગર: અરબી સમુદ્રમાં સર્જાયેલા લો પ્રેશરના કારણે દક્ષિણ ગુજરાત અને સૌરાષ્ટ્રમાં વરસાદ થયો હતો. રાજ્યમાં 'ક્યાર' વાવાઝોડાના કારણે અમુક વિસ્તારોમાં નોંધપાત્ર વરસાદ થયો હતો. હાલમાં 'ક્યાર' વાવાઝોડું ઓમાન તરફ ફંટાયું છે.
rain
સુરત શહેરના વાતાવરણમાં અચાનક પલટો આવ્યો હતો. મેઘરાજા દિવાળીના દિવસે વરસ્યા હતાં. દિવાળીના તહેવાર સમયે જ મેઘરાજા વિઘ્નદાતા બની વરસતા સુરતીલાલાઓની દિવાળી બગડી હતી. કમોસમી વરસાદને કારણે સુરતના નીચાણવાળા વિસ્તારોમાં ઘૂંટણ સમા પાણી ભરાઈ ગયું હતું. જેને લઇને લોકોને હાલાકી વેઠવી પડી હતી. પરિવાર સાથે ખરીદી કરવા નીકળેલા લોકો ભારે વરસાદના કારણે અટવાયા હતાં. જ્યાં કેટલાક વાહનો બંધ પડતા ચાલકોને પણ મુશ્કેલી વેઠવાનો વારો આવ્યો હતો.
ઉલ્લેખનીય છે કે, રાજ્યમાં 'ક્યાર' નામના વાવાઝોડાનો ખતરો હતો. પરંતુ, 'ક્યાર' ઓમાન તરફ ફંટાયુ છે. રાજ્યના સૌરાષ્ટ્ર અને દક્ષિણ ગુજરાતમાં દિવાળીના દિવસે વરસાદ નોંધાયો હતો.