સુરતના કતારગામ વિસ્તારના લોકોએ સોશિયલ ડિસ્ટન્સનો ભંગ કરી ઉજવી જન્માષ્ટમી, વીડિયો વાઈરલ

રાજ્યમાં કોરોનાના કેસ ઘટી રહ્યા છે એટલે તેનો અર્થ એ નથી કે, લોકો સોશિયલ ડિસ્ટન્સ સહિત કોરોના ગાઈડલાઈનનું ઉલ્લંઘન કરે. ત્યારે સુરતના કતારગામમાં આવેલા તાપીનગરનો એક વીડિયો ખૂબ જ વાઈરલ થઈ રહ્યો છે. આ વીડિયોમાં લોકો જન્માષ્ટમીની ઉજવણી કરી રહ્યા છે. ત્યારે મોટી સંખ્યામાં ભીડ ઉમટી છે. આ વીડિયોમાં કોઈએ પણ સોશિયલ ડિસ્ટન્સ જાળવ્યું નથી. આ વીડિયોના કારણે આરોગ્ય વિભાગ દોડતું થયું છે.

• સુરતમાં કતારગામ વિસ્તારના તાપીનગરમાં લોકોએ ઉજવી જન્માષ્ટમી
• કોરોનાના નિયમોને નેવે મુકી લોકોએ જન્માષ્ટમીના દિવસે માટલી ફોડી
• જન્માષ્ટમીની ઉજવણી કરવા માટે લોકોની ભીડ જોવા મળી

સુરતઃ કતારગામ વિસ્તારમાં આવેલા તાપી નગરમાં જન્માષ્ટમીના અવસરે મોટી સંખ્યામાં લોકો ભેગા થયા હતા. આ સાથે જ લોકોએ કોરોના ગાઈડલાઈનના ધજાગરા ઉડાવી જન્માષ્ટમીની ઉજવણી કરી હતી. ત્યારે આ વીડિયો અત્યારે ખૂબ જ વાઈરલ થઈ રહ્યો છે. વીડિયોમાં લોકોની ભીડ જોવા મળી રહી છે. તેમ જ લોકોએ કોરોના ગાઈડલાઈનનું પણ ઉલ્લંઘન કર્યું છે.

આ પણ વાંચો-સુરતના ACPએ જાહેરમાં કેક કાપી પોલીસ કમિશનરના જાહેરનામાનો ખૂલ્લેઆમ ભંગ કર્યો

તાપીનગરના લોકોએ કરેલી ઉજવણીમાં ભીડ ઉમટી

સુરતના કતારગામગામ વિસ્તારમાં આવેલા તાપી નગરનો વીડિયો અત્યારે ખૂબ જ વાઈરલ થઈ રહ્યો છે. આ વીડિયોમાં જોવા મળ્યું હતું કે, જન્માષ્ટમીની ઉજવણી માટે તાપી નગરના લોકો ખૂબ જ મોટી સંખ્યામાં એકઠાં થયા હતા અને લોકો માસ્ક વગર પણ જોવા માળિયા હતા અને સાથે સોશિયલ ડિસ્ટન્સનો અભાવ પણ જોવા મળ્યો હતો. લોકોએ કોરોનાના નિયમો નેવે મૂકી માટલી પણ ફોડી હતી અને સાથે મળી લોકો ડાન્સ કરતા પણ નજરે જોવામાં આવી રહ્યા છે. જોકે, મંજૂરી નહતી હતી તેમ છતાં તાપી નગરના લોકોએ જન્માષ્ટમીની ઉજવણી કરી હતી.

આ પણ વાંચો-સોમનાથ મહાદેવ મંદિરમાં પ્રધાન પરસોત્તમ સોલંકીએ પરિવાર સાથે Corona guidelineનું કર્યું ઉલ્લંઘન

સ્થાનિકે જ વીડિયો વાઈરલ કર્યો

તાપી નગરનો આ વીડિયો વાયરલ થયો છે. આ વીડિયોમાં તાપી નગરના લોકોએ કોરોના તમામ નિયમો નેવે મૂકી જન્માષ્ટમીની ઉજવણી કરી હતી. જોકે, તે સમયે તાપીનગરના લોકોએ મોબાઈલમાં વીડિયો બનાવી તેને વાઈરલ કર્યો છે. અહીં લોકો DJના તાલે નાચતા પણ જોવા મળ્યા હતા તથા ગરબા રમતા હોય તેવા પણ દ્રશ્યો જોવા મળ્યા હતા.

વાઈરલ વીડિયો પછી આરોગ્ય વિભાગ થયું દોડતું

સુરતના કતારગામ વિસ્તારમાં આવેલ તાપી નગરનો વિડીયો વાયરલ થયા બાદ કતારગામ ઝોનના આરોગ્ય અધિકારીઓ દોડતા થઈ ગયા હતા. કારણ કે વીડિયોમાં જોવા મળ્યું હતુંકે તમામ લોકો માસ્ક વગર અને સોશિયલ દિકસન્સ વગર જોવા માળિયા હતા. તે જોઈજ આરોગ્ય તંત્ર દોડતું થયું છે.પરંતુ હાલ મંજૂરી વગર તાપી નગરના લોકોએ ઉજવણી કરી છે તો હાલ કતારગામ પોલીસ દ્વારા આ ઉપર કોઈ કાર્યવાહી કરશે કે નહીં તે હવે જોવાનું રહ્યું.