સુરતના કાપોદ્રામાં પેટ્રોલ ચોરોનો આતંક આવ્યો સામે ઘટના CCTVમાં કેદ

સુરત: કાપોદ્રા વિસ્તારમાં આવેલી ગાયત્રી સોસાયટીમાં પેટ્રોલ ચોરીની ઘટના સામે આવી છે. આ સમગ્ર ઘટના CCTV કેમેરામાં કેદ થઇ છે. જેના આધારે પોલીસે ચોરીનો ગુનો નોંધીને આગળની તપાસ હાથ ધરી છે.

સુરતના વરાછા, કાપોદ્રા અને પુના વિસ્તારમાં પેટ્રોલ ચોરોનો આતંક સામે આવ્યો છે. છેલ્લા કેટલાક સમયથી ચોરની ટોળકીએ આતંક મચાવ્યો છે. પરંતુ, આ વખતે ચોરીની સમગ્ર ઘટના કેમેરામાં કેદ થઈ છે. ગાયત્રી સોસાયટી નજીક આ ગેંગનો આતંક સામે આવ્યો છે. 4 થી 5 જેટલા લોકો પાર્ક કરેલી ગાડીમાંથી પેટ્રોલની ચોરી કરે છે અને ફરાર થઇ જાય છે.

CCTV કેમરામાં એક બાઈક પર 4 થી 5 લોકો બેઠેલાં દેખાય છે. જે બાદમાં પાર્ક કરેલી ગાડીમાંથી પેટ્રોલની ચોરી કરી ફરાર થઇ જાય છે. આ વિડીયો હાલમાં સોશિયલ મીડિયામાં વાયરલ થયો હતો. ત્યારબાદ પોલીસે વધતી ચોરીની ઘટનાઓ અંગે તપાસનો ધમધમાટ શરુ કર્યો છે.