સુરતમાં સચિન GIDCની કેમિકલ ફેક્ટરીમાં આગ લાગતા 7 ના મોત, DNAના આધારે થશે મૃતકોની ઓળખ

સુરતની સચિન GIDCની કેમિકલ ફેક્ટરીમાં આગ લાગતા 7 લોકોના મોત થયા છે. તારીખ 29 નવેમ્બરના દિવસે સવારે સચિન જીઆઇડીસીની કેમિકલ કંપનીમાં બ્લાસ્ટની ઘટના સામે આવી હતી. જેમાં 7 કર્મચારીઓના માનવ કંકાલ મળી આવ્યા છે. તમામ માનવ કંકાલ પોસ્ટમોર્ટમ અર્થે સુરત નવી સિવિલ હોસ્પિટલ ખસેડવામાં આવ્યા છે. મામલતદાર, જીપીસીબી, પોલીસ સહિત ઉચ્ચ અધિકારીઓનો કાફલો તપાસ અર્થે પહોચ્યો છે.

સુરત :આ ઘટનામાં 27 જેટલા કામદારો દાઝ્યા છે, જેમાંથી 8ની હાલત ગંભીર જાણવા મળી રહી છે. તમામની સારવાર હાલ હોસ્પિટલમાં ચાલી રહી છે. કામદારોને અલગ અલગ પ્રાઇવેટ હોસ્પિટલમાં દાખલ કરાયા છે. કેટલાક કામદાર 30 થી 50 ટકાથી વધુ દાઝી ગયાં હોવાનું જાણવા મળ્યું છે. નાની મોટી ઈજાના 10 થી વધુ કામદારો પણ સારવાર મેળવી રહ્યા છે. જે સાત લોકોના મૃત્યું થયા છે, તેમાં એક નવસારીનો રહેવાસી છે અને અન્ય 6 લોકો અન્ય રાજ્યના છે. પોલિસના જણાવ્યા અનુસાર મૃતકોના નામ દિવ્યેશ પટેલ, સંતોષ વિશ્વકર્મા, સનત મિશ્રા, ધર્મેન્દ્ર કુમાર, ગણેશ પ્રસાદ, સુનીલ કુમાર અને અભિષેક સિંહ છે.

એથર કંપનીએ સહાયની જાહેરાત કરી :મૃતકના પરિવારજનોને 50 લાખ રુપિયા આપવાની જાહેરાત કરવામાં આવી છે. તેમજ ઈજાગ્રસ્તોને 25 લાખ રુપીયાની સહાય આપવામાં આવશે. એથર કંપની દ્વારા મૃતકના પરિવારજનોની જવાબદારી લેવામાં આવી છે. મૃતકના બાળકોના શિક્ષણની સંપૂર્ણ જવાબદારી પણ ઉઠાવવામાં આવશે. જે મૃતકના પરિવારમાં ફક્ત માતા પિતા હોય તેમના જીવન નિર્વાહની જવાબદારી ઉઠાવવામાં આવશે.

કોણ છે કંપનીના માલિક ;અશ્વિન દેસાઈ સુરતના પ્રખ્યાત ઉદ્યોગપતિ છે. એથર ઈન્ડસ્ટ્રીઝના ડિરેક્ટર છે. અશ્વિન દેસાઈનું નામ પ્રખ્યાત ફોર્બ્સની યાદીમાં આવી ચૂક્યું છે. સચિન સ્થિત એથર કેમિકલ ઈન્ડસ્ટ્રીમાં ગંભીર બેદરકારીનાં કારણે લાગેલ આગ લાગવાની ઘટના બાદ શેર બજારમાં રૂપિયા 77.80 ભાવ ઘટયા..!!!

ગુજરાત પોલ્યુશન કંટ્રોલ બોર્ડના અધિકારીનું નિવેદન : એથલ ઈન્ડસ્ટ્રીઝ આગની ઘટના બાદ ગુજરાત પોલ્યુશન કંટ્રોલ બોર્ડના અધિકારીઓ ઘટના સ્થળે પહોંચ્યા હતા. જીપીસીબીના પ્રાદેશિક અધિકારી ડો. જીજ્ઞાશા ઓઝાએ સમગ્ર મામલે જણાવ્યું હતું કે, એથર ઈન્ડસ્ટ્રીઝ માં જે ઘટના બની છે તે અકસ્માત છે. પ્રાથમિક ધોરણે હાલ કંપનીની ભૂલ હોય એવું લાગતું નથી. કામદારો લાપત્તા છે ત્યારે ખબર પડી નહોતી. કોઈ પ્લાન્ડ ઈવેન્ટ છે નહિ. આ પ્રકારની ઘટના અનપ્લાન્ડ હોય છે. પ્રાથમિક દૃષ્ટિએ તપાસમાં જાણવા મળ્યું છે કે કંપનીની ભૂલ નથી. કંપનીની અંદર સેફ્ટીના સાધનો અને સેફ્ટી પોલીસી છે.

ફરિયાદ દાખલ કરવામાં આવી છે ; ACP આર.એલ.માવાનીએ જણાવ્યું હતું કે, ઘટનામાં મિસિંગ યાદી પ્રમાણે અમે લોકોની શોધખોળ કરી હતી. સાત કંકાલ મળી આવ્યા છે. ડીએનએના આધારે પરિજનને મૃતદેહ આપવામાં આવશે. જરૂર પડશે તો એનડીઆર એફ ની મદદ લેવામાં આવશે. એક્સીડન્ટ ડેથ કલમ હેટડ ફરિયાદ દાખલ કરવામાં આવી છે. એફએસએલ ની મદદ થી આગળની કાર્યવાહી ચાલુ છે.

ધરેથી આવ્યોને મોતને ભેટ્યો : સુનીલ વર્માના સંબંધી રામ મુહૂર્ત વર્માએ જણાવ્યું કે, મૃતક તેમનો સાળો હતો. તે રાત્રી દરમિયાન ડ્યુટી પર હતો અને આ હાદસામાં મોતને ભેંટ્યો છે. તેમની ઉંમર 22 વર્ષની છે. 3 વર્ષથી કામ કરી રહ્યો હતો. તે મુળ ઉત્તરપ્રદેશનો રહેવાશી છે, બે દિવસ પહેલાજ ધરેથી પરત ફર્યો હતો. તેનો મૃતદેહ હાલ પોસ્ટમોર્ટમ માટે લાવવામાં આવ્યો છે.

કંપની તરફથી કોઇ જાણકારી આપવામાં આવી નહોતી : અનિલ વિશ્વકર્માએ જણાવ્યું કે, આ ઘટનામાં તેમના કાકાનું પણ અવસાન થયું છે. તેમની ઉંમર 45 વર્ષની હતી. તેમના પરિવારમાં પત્ની એક પુત્ર અને એક પુત્રી પણ છે. તેઓ 2 વર્ષથી સુરતમાં નોકરી રહી રહ્યા હતા. આ ઘટના અંગે કંપની તરફથી કોઇ પણ પ્રકારની જાણકારી આપવામાં આવી નહોતી. તેમના કાકાના મૃત્યું અંગેની જાણકારી તેમના રુમમાં સાથે રહેનાર સાથીદારે જણાવી. બે મહિના પહેલા જ ગામડે જઇના આવ્યા હતા.

તમામ મૃતદેહો કંકાલ બની ગયા : વિવેકસિંઘએ જણાવ્યું કે, ઘટનામાં મૃત્યું પામનાર સંનત કુમાર મિક્ષા તેમના ગામના છે. કંપનીમાં પૂછપરછ દરમિયાન જાણવા મળ્યું કે આ પ્રકાની ઘટના બનવા પામી છે. જે લાપતા લોકો હતા, તેમના મૃતદેહો બળીને કંકાળ બની ગયા છે. કોઇના પણ ચહેરા ઓળખાય તે પ્રકારના નથી. માટે હવે ડીએનએના માધ્યમથી તેમની ઓળખ પ્રાપ્ત થઇ શકશે. મૃતક તેમના પરિવાર સાથે સુરતમાં રહેતો હતો. તે 5 વર્ષથી રહેતો હતો અને આ કંપની તેને 4 થી 5 દિવસ પહેલા જ જોઇન કરી હતી. તેમની ઉંમર 40 વર્ષની છે, તેમને 2 પુત્રીઓ પણ છે.

અપડેટ ચાલું છે...