જુગારમાં રૂપિયા હારી લુંટનો પ્લાન બનાવી પોલીસ સ્ટેશનમાં ખોટી ફરિયાદ નોંધાવી, જાણો પછી શું થયું

સુરતના ઉમરામાં ચપ્પુની અણીએ લુંટી લેવાની ઘટના બની હતી. આ મામલે પોલીસ (Surat Umra Police )તપાસમાં આ ફરિયાદ ખોટી હોવાનું બહાર આવ્યું હતું. ડ્રાઈવરને ઓનલાઈન જુગાર રમવાની (Accused gambling addiction )આદત હતી. જુગારમાં રૂપિયા હારી ગયો હતો જેથી લુંટનો પ્લાન બનાવી ખોટી ફરિયાદ નોંધાવી હતી.

સુરત: ઉમરામાં એસ.વી.એન.આઈટી કોલેજના ડ્રાઈવરને ચપ્પુની અણીએ લુંટી લેવાની ઘટના બની હતી. જો કે પોલીસ તપાસમાં આ ફરિયાદ ખોટી હોવાનું બહાર આવ્યું હતું. ડ્રાઈવરને ઓનલાઈન જુગાર રમવાની (Accused gambling addiction )આદત હતી અને જુગારમાં તે 1 લાખ રૂપિયા હારી(Losing money in gambling) ગયો હતો જેથી લુંટનો પ્લાન બનાવી ખોટી ફરિયાદ નોંધાવી હતી. આ મામલે આગામી દિવસોમાં તેની સામે ખોટી ફરિયાદ (False complaint at Umra police station )નોધાવવા બદલ ગુનો નોંધાઈ શકે છે.

શું છે આ બનાવની ઘટના

અડાજણ સ્થિત અયોધ્યા નગરી પાસે રહેતા વિવેક કરશનભાઈ નાઈ એસવીએનઆઈટી કોલેજમાં ડ્રાઈવર તરીકે ફરજ બજાવે છે. ગત 2 તારીખે તેઓ નોકરી પરથી ઘરે જઈ રહ્યા હતા તે સમયે અડાજણ પાલ બ્રીજ પાસે એક યુવકે તેઓને રોક્યા હતા અને બાઈક પર થોડે સુધી લઈ જાઓ તેમ કહ્યું હતું જેથી વિવેકભાઈએ તેને લીફ્ટ આપી હતી. આ દરમ્યાન બાઈક પર યુવકે વિવેકના પેટ પર ચપ્પુ મૂકી ગાડી ચુપ ચાપ બ્રીજ નીચે લઈ લે નહી તો ચપ્પુ મારી દઈશ તેમ કહ્યું હતું જેથી વિવેકભાઈએ ગભરાઈને બાઈકને ઉમરા થી પાલ જતા બ્રિજનીચે લઇ ગયા હતા. જ્યાં અગાઉથી બે ઈસમો હાજર હતા. બાદમાં ત્રણેય ઈસમોએ ચપ્પુની અણીએ મોબાઈલ ફોન, પાકીટમાં રહેલા 500 રૂપિયા,આધાર કાર્ડ, પાન કાર્ડ, ડ્રાઇવીંગ લાઇસન્સ, એટીએમ કાર્ડ, તથા સોનાની વીટી, ચાંદીની લક્કી મળી કુલ ૫૨ હજારની લુટ કરી ફરાર થઈ ગયા હતા. આ બનાવને લઈને વિવેક ભાઈએ ઉમરા પોલીસ મથકમાં ફરિયાદ નોંધાવી હતી. જેમાં ઉમરા પોલીસે અજાણ્યા ત્રણેય ઈસમો સામે લુંટનો ગુનો નોંધી તપાસ શરુ કરી હતી. પરંતુ પોલીસ તપાસમાં લુટ થઈ જ ન હોવાનું બહાર આવ્યું હતું.

આ પણ વાંચોઃઘલુડી હેડ ક્વોર્ટસ ખાતે સુરત ગ્રામ્ય પોલીસે શરૂ કર્યું ઘોડિયા ઘર

સિક્યુરીટી સ્ટાફને પૂછપરછ કરી હતી

પોલીસે જે જગ્યાએ બનાવ બન્યો હતો ત્યાં તપાસ કરી તો ત્યાં મંદિર ખાતે ધાર્મિક પ્રસંગ હતો અને મોટી સંખ્યામાં ગામના લોકો ત્યાં હાજર હતા. આ ઉપરાંત ત્યાં લાગેલા CCTV ફૂટેજ પણ તપસ્યા હતા પરંતુ તેમાં પણ કઈ બહાર આવ્યું ન હતું. આ ઉપરાંત વિવેકભાઈને મોબાઈલ પણ ઘટના સ્થળેથી મળી ગયો હોવાનું કહ્યું હતું જેથી પોલીસને તેની વાત ગળે ઉતરતી ન હતી. પોલીસને શંકા જતા એસવીએનઆઈટી કોલેજના સિક્યુરીટી સ્ટાફને પૂછપરછ કરી હતી.

લુટનો પ્લાન બનાવી ખોટી ફરિયાદ નોંધાવી

જેમાં વિવેક કેમ્પમાં અવવારું જગ્યાએ તેની હિલચાલ શંકાસ્પદ લાગી હતી. પોલીસે ત્યાં જઈને તપાસ કરતા કચરામાં સંતાડેલ પ્લાસ્ટિકની થેલીમાંથી વિવેકની લુટમાં ગયેલી ચીજ વસ્તુઓ મળી આવી હતી. જેથી આ મામલે વિવેકભાઈને પોલીસે કડક પૂછપરછ કરતા તે ભાંગી પડ્યો હતો અને તેણે પોલીસને જણાવ્યું હતું કે તેને ઓનલાઈન જુગાર રમવાની આદત છે. તેમાં 1 લાખ રૂપિયાનું દેવું થઈ ગયું હતું. જેથી દેવું ચૂકતે થઈ જાય અને ઘરવાળાને કઈ ખબર ન પડે તે માટે લુટનો પ્લાન બનાવી ખોટી ફરિયાદ નોંધાવી હતી. પોલીસ હવે આ મામલે ખોટી ફરિયાદ નોધાવવા બદલ અને પોલીસને ગેરમાર્ગે દોરવા બદલ અને સમજમાં દાખલો બેસે અને તેની સામે કડક કાર્યવાહી થાય તે માટે કોર્ટમાં બી સમરી વિથ પ્રોસીકયુશનની માંગ કરવામાં આવશે.

આ પણ વાંચોઃNellore gang Andhra Pradesh: ચોરી કરતી આંતર રાજ્ય આંધ્રપ્રદેશની નેલ્લોર ગેંગને DCB પોલીસે ઝડપી પાડી