સુરત જિલ્લામાં આગામી 11 અને 12 જૂને હળવાથી ભારે વરસાદની આગાહી

સુરત જિલ્લામાં આગામી 9થી 13મી જૂનના રોજ હવામાન વિભાગ દ્વારા આગાહી કરવામાં આવી છે. જેમાં, આગામી 12મી જૂનના રોજ બારડોલી સહિત કેટલાક તાલુકાઓમાં મધ્યમથી ભારે વરસાદ પડવાની સંભાવના છે.

• આગામી 5 દિવસો દરમિયાન વરસાદને લઈને આગાહી
• બારડોલીમાં 11 અને 13 જૂનના રોજ વાદળછાયું વાતાવરણ
• સુરત જિલ્લામાં 12મી જૂનના રોજ મધ્યમથી ભારે વરસાદની સંભાવના

બારડોલી: સુરત જિલ્લા કૃષિ હવામાન વિભાગ દ્વારા આગામી 5 દિવસો દરમિયાન વરસાદને લઈને આગાહી કરવામાં આવી હતી. જેમાં, તાલુકાવાર કરવામાં આવેલી આગાહી મુજબ બારડોલીમાં 11 અને 13 જૂનના રોજ સંપૂર્ણ વાદળછાયું વાતાવરણ રહેશે. જ્યારે 10 અને 11ના રોજ હળવા વરસાદ અને 12મી જૂનના રોજ મધ્યમથી ભારે વરસાદની સંભાવના વ્યક્ત કરવામાં આવી છે.

આ પણ વાંચો:ગુજરાતમાં આગામી પાંચ દિવસ હળવાથી મધ્યમ વરસાદની આગાહી

કેટલાક તાલુકાઓમાં 11 અને 12 જૂનના રોજ મધ્યમ થશે વરસાદ

જિલ્લાના ચોર્યાસી, માંગરોળ, ઓલપાડ અને કામરેજ તાલુકામાં 11 અને 12 જૂનના રોજ મધ્યમ વરસાદ અને 9,10 અને 13 જૂનના રોજ અતિ હળવા વરસાદની સંભાવના છે. મહુવા તાલુકામાં 12 અને 13 જૂનના રોજ હળવા વરસાદની સંભાવના તેમજ 9થી 11 જૂન દરમિયાન અતિ હળવો વરસાદ પડી શકે છે. માંડવી તાલુકામાં આગામી 5 દિવસ દરમિયાન અલ્પ માત્રામાં જ્યારે 13મી જૂનના રોજ હળવા વરસાદ પડવાની વકી છે.

પલસાણામાં 12મી જૂને ભારે વરસાદ પડે તેવી વકી

પલસાણા તાલુકમાં 11મી જૂનના રોજ મધ્યમ તેમજ 12મી જૂનના રોજ ભારે વરસાદ, જ્યારે 10 અને 13 જૂનના રોજ હળવા વરસાદની સંભાવના રહેલી છે. ઉમરપાડા તાલુકામાં 11મીનાં રોજ મધ્યમ વરસાદ, જ્યારે 9,10 અને 12 જૂનના રોજ હળવા વરસાદની આગાહી કરવામાં આવી છે.

આ પણ વાંચો:સુરત જિલ્લામાં આગામી 5 દિવસમાં વરસાદ પડે તેવી શક્યતા

તાલુકા કક્ષાએ 9-6-2021 થી 13-6-2021 સુધી વરસાદની આગાહી

તાલુકા	તારીખ
તારીખ	9	10	11	12	13
બારડોલી	0.0	6.1	6.8	37.3	0.6
ચોર્યાસી	0.2	2.3	14.6	17.2	1.5
કામરેજ	0.1	2.8	11.6	24.8	1.5
મહુવા	1	0.7	1.4	6.1	3.5
માંડવી	0.5	0.8	0.7	0.8	2
માંગરોળ	2.5	3.5	11.9	11.1	3.2
ઓલપાડ	5.8	7.4	16.1	35.2	35.2
પલસાણા	0.6	5.3	13.3	59.4	5.9
ઉમરપાડા	2.7	4.4	16.3	5.0	0.5