પિતાની વરસીના દિવસે યાદ કરી રહેલા વરદને મળ્યું NEET નું પરિણામ, મેળવ્યો ઓલ ઇન્ડિયામાં 75 રેન્ક

NEET 2022ના પરિણામમાં જાદવ વરદએ સમગ્ર ભારતમાં EWS કેટેગરીમાં બીજો રેન્ક પ્રાપ્ત કરી સુરતનું નામ રોશન કર્યું છે. વરદ મુળ મહારાષ્ટ્રના સાંગલી જિલ્લાનો છે. પરંતુ NEETની પરીક્ષાની તૈયારી કરવા માટે તેને બે વર્ષ સુધી સુરતમાં કોચિંગ લીધું છે. તેની મહેનત સફળ થઈ છે. બીજો રેન્ક આવ્યાની જાણકારી મળતા જ તે ભાવુક થઈ ગયો હતો. NEET Exam Result 2022, NEET Exam Result All India, second rank in EWS category in NEET

સુરતપિતાની બીજી વરસીના દિવસે પૂજા વિધિ કરી રહેલા જાદવ વરદ વૈભવએ NEET 2022માં સમગ્ર ભારતમાં EWS કેટેગરીમાં બીજો રેન્ક પ્રાપ્ત કર્યો છે. તે જાણકારી મળતા જ તે ભાવુક થઈ (NEET Exam Result 2022)ગયો હતો. વરદ મુળ મહારાષ્ટ્રના સાંગલી જિલ્લાનો છે. પરંતુ નીટની પરીક્ષાની તૈયારી કરવા માટે તેને બે વર્ષ સુધી સુરતમાં કોચિંગ લીધું છે અને તેની મહેનત સફળ થઈ છે. તેણે જનરલ કેટેગરીમાં પણ આ પરીક્ષામાં ઓલ ઇન્ડિયામાં 75 રેન્ક( NEET Exam Result All India )મેળવ્યો છે.

EWS કેટેગરીમાં બીજો રેન્કNEET 2022નું પરિણામમાં પી.પી.સવાણી સ્કૂલના જાદવ વરદ વૈભવ ભારતમાં EWS કેટેગરીમાં બીજો રેન્ક પ્રાપ્ત (Second rank in EWS category )કરી સુરતનું નામ રોશન કર્યું છે. નેશનલ ટેસ્ટીંગ એજન્સી (NTA) દ્વારા દેશની મેડીકલ કોલેજમાં પ્રવેશ મેળવવા માટે લેવાયેલ NEET મેઈન પરીક્ષાનું આજરોજ પરિણામ જાહેર કરવામાં આવ્યું હતું. આ પરીક્ષામાં પી.પી.સવાણી સેન્ટર ફોર એક્સેલન્સના જાદવ વરદ વૈભવ 700 માર્ક્સ મેળવીને સમગ્ર ભારતમાં EWS કેટેગરીમાં બીજો રેન્ક પ્રાપ્ત કરવામાં સફળતા મેળવી હતી.

આર્થિક પરિસ્થિતિ કફોડીવરદ મૂળ મહારાષ્ટ્રના સાંગલી જિલ્લાનો છે. તેણે જણાવ્યું હતું કે ,આજે તિથિ પ્રમાણે તેના પિતાની બીજી વરસી છે. તે પૂજા વિધિ કરી રહ્યો હતો તે દરમિયાન જાણકારી મળી કે તે પરીક્ષામાં સફળ થયો છે. બે વર્ષ અગાઉ જ્યારે કોરોનાની બીજી પીક હતી ત્યારે તેના પિતા અવસાન પામ્યા હતા. તેઓ દુકાન ચલાવતા હતા. પિતાના અવસાન બાદ આર્થિક પરિસ્થિતિ કફોડી બની ગઈ હતી. જોકે મોટાભાઈના કારણે પરિવાર આ પરિસ્થિતિથી જેમતેમ સારી રીતે પસાર થઈ રહ્યો હતો. જ્યારે ખબર પડી કે તે પરીક્ષામાં સફળ થઈ ગયો છે અને આજે પિતાની વરસીના દિવસે આ જાણકારી મળી ત્યારે ખૂબ જ ભાવુક થઈ ગયો હતો.

બે વર્ષ સુધી કોચિંગ પણ લીધુવરદ દિલ્હી એઇમ્સમાં ભણી ડોક્ટર બનવા માંગે છે અને જે લોકો જરૂરિયાત મંદ છે તેમની મદદ કરવા માંગે છે. વરદને જાણકારી મળી હતી કે જરૂરિયાત મંદ લોકોને સુરતમાં સારી કોચિંગ આપવામાં આવે છે. આ જાણકારી મળતા બે વર્ષ સુધી અહીં કોચિંગ પણ લીધુ હતું અને કોચિંગ પૂર્ણ થયા બાદ તે પોતાના વતન જતો રહ્યો હતો.