- 60 વર્ષના વૃદ્ધે બાળકીઓને બતાવ્યા બિભત્સ વીડિયો
- બાળકીઓએ વૃદ્ધે કરેલી હરકત વિશે પરીવારને કરી જાણ
- આ મામલે ઉધના પોલીસ સ્ટેશનમાં ફરિયાદ નોંધાઇ
- 60 વર્ષિયના વૃદ્ઘની ઉધન પોલીસ દ્વરા કરાઇ ધરપકડ
- આ વૃદ્ઘ ખાનગી કંપનીના સિક્યુરીટી ગાર્ડ તરીકે કરે છે નોકરી
સુરતઃ ઉધના વિસ્તારમાં 60 વર્ષના વૃદ્ધે 6 વર્ષની બાળકી અને 4 વર્ષની બાળકીઓને મોબાઇલમાં બિભત્સ વીડિયો-ફોટો બતાવીને અપડલાં કર્યા હતા. આ મામલે બાળકીઓએ પરિવારને જાણ કરતા પરિવારના સભ્યોઓએ ઉધના પોલીસ સ્ટેશનમાં ફરિયાદ નોંધાવી હતી. પોલીસે કાર્યવાહી કરી આરોપીની ધરપકડ કરી હતી.
મોબાઇલ ફોનમાં બિભત્સ વીડિયો બતાવીને વૃદ્ધે ગેરવર્તન કર્યા
સુરતના ઉધના વિસ્તારમાં એક પરિવાર રહે છે અને તેઓની 6 વર્ષની બાળકી અને તેની સાથે અન્ય 4 વર્ષની બાળકી ઘર પાસે રમી રહી હતી. તે સમયે તેજ વિસ્તારમાં રહેતો 60 વર્ષિય અશોક શિવલાલ રાણા ત્યાં આવ્યા હતા. તેને બંને બાળકીને થોડા અંતરે લઈ જઈ બંનેને મોબાઇલ ફોનમાં બિભત્સ વીડિયો બતાવીને ગેરવર્તન કર્યા હતા. ત્યાર બાદ બાળકીઓએ વૃદ્ધે કરેલી હરકત વિશે પિતાને જાણ કરી હતી. જેથી આ મામલે બાળકીના પિતાએ ઉધના પોલીસ મથકમાં ફરિયાદ નોંધાવી હતી.
60 વર્ષના વૃદ્ધની ધરપકડ
6 વર્ષની બાળકી અને તેની સાથે અન્ય 4 વર્ષની બાળકી બિભત્સ વીડિયો-ફોટો બતાવવા મામલે પોલીસે આરોપી 60 વર્ષના વૃદ્ધ અશોક શિવલાલ રાણાની ધરપકડ કરી હતી. આરોપી ત્યાં આવેલી એક ખાનગી કંપનીના સિક્યુરીટી ગાર્ડ તરીકે નોકરી કરે છે અને તે એકલવાયું જીવન વિતાવે છે. હાલ પોલીસે તેની ધરપકડ કરી આ મામલે વધુ તપાસ હાથ ધરી છે.
