જોવા જેવી ચૂંટણીની જંગ : ત્રણેય પક્ષમાં એક જ સમાજના ઉમેદવાર, કોણ મારશે બાજી?

સુરત જિલ્લાની મહુવા વિધાનસભા બેઠક પર ત્રણેય પક્ષોએ પોતપોતાના (mahuva Assembly candidate list) ઉમેદવારો જાહેર કરી દેતા હવે ત્રિકોણીય જંગ નિશ્ચિત બન્યો છે. ભાજપ દ્વારા મોહન ઢોડિયાનું નામ જાહેર કરાયું છે. તો કોંગ્રેસ પાર્ટીએ એક મહિલા ઉમેદવારને ટિકિટ આપી છે. જ્યારે આમ આદમી પાર્ટીએ યુવા ચહેરાને મેદાનમાં ઉતાર્યો છે. (Gujarat Assembly Election 2022)

બારડોલી : અનુસૂચિત જનજાતિ માટે અનામત સુરત (Surat Assembly Elections) જિલ્લાની મહુવા વિધાનસભા બેઠક પર આ વખતે ભાજપ, કોંગ્રેસ અને આમ આદમી પાર્ટી વચ્ચે જંગ જોવા મળશે. ભાજપે વર્તમાન ધારાસભ્ય મોહન ઢોડિયાને રિપીટ કરી તમામ અટકળોનો અંત આવ્યો છે. આ પહેલા કોંગ્રેસે અહીં મહિલા ઉમેદવાર હેમાંગીની ગરાસિયા અને આમ આદમી પાર્ટીએ યુવા ચહેરા અને આદિવાસી નેતા એવા કુંજન ઢોડિયાને ઉમેદવાર તરીકે જાહેર કર્યા હતા.(mahuva Assembly candidate list)

ભાજપમાંથી મોહન ઢોડિયા છેલ્લા કેટલાક દિવસોથી મહુવા બેઠક પર ભાજપમાંથી ઉંમરના હિસાબે મોહન ઢોડિયાનું પત્તુ કપાય એવી અટકળો સેવાઇ રહી હતી. પરંતુ ભાજપ મોવડી મંડળે આજે જાહેર કરેલી યાદીમાં મોહન ઢોડિયાનું નામ આવતા જ તમામ અટકળોનો અંત આવ્યો છે. મોહન ઢોડિયાનું 2012થી સતત બે ટર્મ અને તે પહેલાં 2002માં પણ ભાજપમાંથી ચૂંટાયા હતા. જોકે 2007ની ચૂંટણીમાં કોંગ્રેસના ઉમેદવાર ઈશ્વર વહિયા સામે તેમની હાર થઈ હતી. (Repeat candidate in BJP)

ગત ચૂંટણીમાં કોંગ્રેસના દિગ્ગજ તુષાર ચૌધરીને આપી હતી માત સુરત અને તાપી જિલ્લાના ત્રણ તાલુકાઓ મહુવા, બારડોલી અને વાલોડ તાલુકાથી બનેલી મહુવા વિધાનસભા બેઠક પર આદિવાસીઓનું પ્રભુત્વ રહ્યું છે. ગત ચૂંટણીમાં ભાજપના મોહન ઢોડિયાએ કોંગ્રેસના દિગ્ગજ નેતા અને માજી કેન્દ્રીય પ્રધાન ડૉ. તુષાર ચૌધરીને માત આપી હતી. મોહન ઢોડિયાને કદાવરઆદિવાસી નેતા માનવામાં આવે છે. જોકે મહુવાનું આંતરિક રાજકારણ તેમને ઘણી વખત નડયું હોય આ વખતની ચૂંટણીમાં આંતરિક રાજકારણનો ભોગ ન બને તેની વિશેષ કાળજી રાખવી પડશે. (Mahuva assembly seat)

કોંગ્રેસે મહિલા ઉમેદવાર પર દાવ અજમાવ્યોબીજી તરફ કોંગ્રેસ દ્વારા મહિલા ઉમેદવાર હેમાંગીનીબેન ગરાસિયા પર પસંદગી ઉતારવામાં આવી છે. ગત ટર્મમાં તેમને ટીકીટ નહીં મળતા તેમણે અપક્ષ તરીકે પોતાની ઉમેદવારી નોંધાવી હતી. જેનો ફાયદો પણ તે વખતે ભાજપને થયો હોવાનું રાજકીય વિશ્લેષકોનું માનવું છે. જોકે આ વખતે હેમાંગીની ગરાસિયાની પસંદગીને લઈને કોંગ્રેસમાં આંતરિક વિખવાદ ઉભો થયો છે. હાલમાં જ કોંગ્રેસ કાર્યાલયના ઉદ્ઘાટન માટે આવેલા પ્રભારી સંદીપજી સાથે કાર્યકરોએ ટિકિટની વહેંચણીને લઈને ઝપાઝપી પણ કરી હતી. (Congress candidate in Surat Mahuva)

આમ આદમી પાર્ટીએ યુવા ચહેરાને ઉતાર્યા મેદાનમાંઆમ આદમી પાર્ટી દ્વારા આદિવાસી યુવા નેતાને ટીકીટ આપવામાં આવી છે. લડાયક નેતાની છાપ ધરાવતા કુંજન પટેલ પણ ઢોડિયા સમાજમાંથી આવે છે. તેઓ શિક્ષિત, બેરોજગારી અને મોંઘવારીના મુદ્દાઓને લઈને લોકો સમક્ષ જઈ રહ્યા છે. યુવાઓમાં કુંજન પટેલને ટીકીટ મળવાથી ખાસ્સો ઉત્સાહ જોવા મળી રહ્યો છે. જોકે આ ઉત્સાહને તેઓ મતમાં પરિવર્તિત કરી શકે કે કેમ તે તો આગામી 8મી ડિસેમ્બરે જ નક્કી થશે. (AAP candidate in Surat Mahuva)

ત્રણેય પક્ષના ઉમેદવાર ઢોડિયા સમાજમાંથીમહુવા વિધાનસભામાં ત્રણેય રાજકીય પક્ષોએ ઢોડિયા સમાજના ઉમેદવારો પર પસંદગી ઉતારી છે. એ બેઠક પર ઢોડિયા સમાજનું પ્રભુત્વ રહેલુ છે અને વર્ષોથી ઢોડિયા સમાજના ઉમેદવાર જ જીતતા આવ્યા છે. જો કે ત્રણેય ઉમેદવાર ઢોડિયા પટેલ હોય સમાજના મતોનું વિભાજન થઈ શકે છે. બેઠક પર ચૌધરી અને હળપતિ મતો પણ પ્રભાવ પાડી શકે છે.(Gujarat Assembly Election 2022)