બુલેટ ટ્રેન જમીન સંપાદનને લઈ હાઇકોર્ટનો ચૂકાદો ખેડૂતો તરફી નહીં રહેતા હવે ખેડૂતો સુપ્રીમ કોર્ટના દ્વારે છે. કેન્દ્ર સરકારના વર્ષ 2013ના કાયદા પ્રમાણે જમીન સંપાદન કરી વળતર ચુકવવાની માગ સાથે પિટિશન સુપ્રીમ કોર્ટમાં કરવામાં આવી છે.
સોમવારે સુપ્રીમ કોર્ટમાં અસંગ્રસ્ત ખેડૂતો સહિત દક્ષિણ ગુજરાત ખેડૂત સમાજ દ્વારા પિટિશન કરવામાં આવી છે. રાજ્ય સરકાર વર્ષ 2016ના કાયદા પ્રમાણે ખેડૂતોને જમીન સંપાદનનું વળતર આપવાની વાત કરી રહી છે. રાજ્ય સરકારે વર્ષ 2013ના બદલે વર્ષ 2016ના કાયદામાં સુધારા કરી જમીન સંપાદનનો કાયદો લાગુ કર્યો છે. બુલેટ ટ્રેન પ્રોજેકટ મામલે સુરત સહિત દક્ષિણ ગુજરાત ખેડૂત સમાજ દ્વારા વિરોધ કરવામાં આવી રહ્યું છે.
અગાઉ હાઇકોર્ટ દ્વારા ખેડૂતોની અરજી ગાહ્યના રાખી ફગાવી દેવામાં આવી હતી. ખેડૂતો સાથે હવે પ્રોજેકટ અસરગ્રસ્ત 70 મકાનોના માલિક પણ સુપ્રીમ કોર્ટમાં યોગ્ય વળતર માટે પિટિશન આવતીકાલે કરશે.