સુરતના ગવિયર લેક તળાવે નોર્થ અમેરિકાથી આવતા વિદેશી પક્ષીઓનો થઇ રહ્યો છે વધારો

વિશ્વનું સૌથી ઝડપથી વિકસતું સુરત શહેર કે, જ્યાં નજર કરવામાં આવે ત્યાં સિમેન્ટ કોંક્રિટના જંગલો જોવા મળે છે. ત્યારે સુરતનું ગવિયર લેક એક એવું તળાવ બની ગયું છે કે, જ્યાં હજારો કિલોમીટર દૂરથી વિદેશી પક્ષીઓ આવે છે. વગર વિઝા પાસપોર્ટથી આવેલા મહેમાનોને સુરત એટલી હદે પસંદ આવી ગયું છે કે, દર વર્ષે તેમની સંખ્યામાં વધારો થઈ રહ્યો છે. તેમનો શિકાર સ્થાનિક લોકો ન કરે એ માટે ખાસ તકેદારીના પગલાં નેચર કલબ દ્વારા લેવામાં આવે છે.

સુરત: વિશ્વનો સૌથી ઝડપથી વિકસતું સુરત શહેર કે, જ્યાં નજર કરવામાં આવે ત્યાં સિમેન્ટ કોંક્રિટના જંગલો જોવા મળે છે. ત્યારે સુરતનું ગવિયર લેક એક એવું તળાવ બની ગયું છે કે, જ્યાં હજારો કિલોમીટર દૂરથી વિદેશી પક્ષીઓ આવે છે. વગર વિઝા પાસપોર્ટથી આવેલા મહેમાનોને સુરત એટલી હદે પસંદ આવી ગયું છે કે, દર વર્ષે તેમની સંખ્યામાં વધારો થઈ રહ્યો છે. તેમનો શિકાર સ્થાનિક લોકો ન કરે એ માટે ખાસ તકેદારીના પગલા નેચર કલબ દ્વારા લેવામાં આવે છે.

એક બાજુ ચારેય તરફ સિમેન્ટ-કોક્રિટથી બનેલા મકાનો અને આ વચ્ચે સુરતમાં ગવિયર ગામ ખાતે એકમાત્ર એવું તળાવ છે. જ્યાં દેશ વિદેશના પક્ષીઓ આવવા માટે ચારથી છ મહિના સુધીનો સફર કરીને પહોંચે છે. આટલી મોટી યાત્રા પક્ષીઓ શા માટે કરી રહ્યા છે કે, તેઓ આ તળાવના ખાતે પોતાને સુરક્ષિત માને છે. તેમને સુરક્ષિત રાખવા માટે સુરત નેચર કલબે ખાસ વ્યવસ્થા પણ કરી છે. જ્યારે લોકો આ તળાવને જોવા માટે આવે છે. ત્યારે તેઓને વિશ્વાસ પણ નથી થતો કે, આ મેટ્રો સિટીની વચ્ચે પ્રાકૃતિક સૌંદર્યવાળા સ્થળે દેશવિદેશના હજારો પક્ષીઓ જોઈ શકાય. હજારો કિલોમીટરની લાંબી મુસાફરી કરીને દેશ વિદેશના પક્ષીઓ પ્રજનન માટે આવે છે. આ તળાવમાં 50 થી વધુ જાતિના 1200 જેટલા માઈગ્રેટરી પક્ષીઓ ઉત્તર અમેરિકા, યુરોપ અને સેન્ટ્રલ એશિયાથી અહીં આવ્યા છે.

ક્યાં ક્યાં પક્ષીઓ બને છે આ તળાવના મહેમાન

વિજયન(પિયાસણ), શોવલર( ગયણો), પિનટેઈલ( સિંગપર),ગાર્ગેની (ચેતવા), સાઇબિરિયન ક્રેઈન્સ, રફ્ફ, બ્લેક વિંગ્ડ સ્ટિલ્ટ, બ્લુ થ્રોટ, બ્રાહ્મિણી ડક, એસ્પ્રે, હેરિયરની, ઈગલ, કુટ, વિદેશી બતક, લાર્ક, કોટન ટીલ( ગિરજા), કોમન ટીલ (નાની મુરઘાબી), કોમન પોચાર્ડ ( રાખોડી કારચીયા),વિજેલ, ગઢવાલ, વાય ટાઈ પોચા જેવી અનેક પ્રજાતિના હજારો પક્ષીઓ ગુજરાતની મુલાકાતે આવે છે.

અગાઉ કરતા હતા સ્થાનિકો શિકાર

એકમાત્ર તળાવના કારણે અહીં પ્રાકૃતિક સૌંદર્ય વચ્ચે આ પક્ષીઓ વર્ષો પહેલાથી જ આવતા હતા. પરંતુ સ્થાનિક લોકો તેમનો શિકાર કરી લેતા હતા. આ જ કારણ છે કે, તેમના જતન માટે નેચર ક્લબ દ્વારા સુરત મહાનગરપાલિકા પાસેથી આ તળાવને દત્તક લેવામાં આવ્યું.

પક્ષીઓની સંખ્યામાં વધારો

નિર્મલા વેટલેન્ડ કન્ઝર્વેશન પ્રોજેકટ અંતર્ગત ત્યાં વાઈલ્ડલાઈફ જળવાઈ રહે તે માટે 1500 થી વધુ નેટિવ વૃક્ષો વિકસાવવામાં આવ્યા અને તળાવનું સંવર્ધન જેથી જંગલ જેવું વાતાવરણ મળવાને કારણે હાલ અહીં શિયાળામાં દર વર્ષે દેશ અને વિદેશના પક્ષીઓની સંખ્યામાં વધારો થઈ રહ્યો છે.

પક્ષી પ્રેમીઓ, યુવાનો અને વિદ્યાર્થીઓ માટે અધ્યયનનું સ્થળ

સુરતમાં નોર્ધન અમેરિકા,યુરોપ, કજાકિસ્તાન, સેન્ટ્રલ એશિયાના દેશોના પક્ષીઓ મહેમાન બને છે. ઘણા પક્ષીઓ હજારો કિલોમીટરનો દરિયો પાર કરીને નિયત જગ્યા પર પહોંચી જાય છે. માત્ર પક્ષી જ નહીં અહીં 70થી 80 જાતન પતંગિયા અને રેપટાઈલ પણ છે. પક્ષીઓને જોવા માટે યુવાઓ અને વિદ્યાર્થીઓ ખાસ આવે છે. શિયાળા દરમિયાન પક્ષી પ્રેમીઓને જંગલમાં જવાની જરૂર નથી. સુરતમાં રહીને જ વિદેશી પક્ષીઓની અનેક પ્રજાતિઓ વિશે તેઓ અધ્યયન કરી શકે છે.

પક્ષીઓ માણે છે આનંદ

એકવાર આ તળાવ નજીક આવ્યા બાદ લોકો ભૂલી જાય છે કે, તેઓ સુરત શહેરમાં છે. તેઓને લાગે છે કે, આ કોઈ જંગલ વિસ્તારમાં આવેલ તળાવ છે. જે રીતે પક્ષીઓનું જતન કરવામાં આવી રહ્યું છે. તેનાથી પક્ષીઓને પોતાના વતનની જેમ વાતાવરણ મળી જતું હોય છે. તેઓ પણ આનંદ માણતા જોવા મળે છે.