સુરતના અઠવાલાઇન્સ ખાતેથી નીકળેલી આ યાત્રામાં એક સાથે છ પરિવારના દીક્ષા લેનાર મુમુક્ષોનો સમાવેશ થાય છે. જ્યારે 20થી વધુ આવા યુવક-યુવતીઓ છે કે, જેઓ ગ્રેજ્યુએટથી લઈ સી.એ કરી ચૂક્યા છે. તેમજ કોઈ ડાયમંડ અને ટેક્સટાઇલના પરિવારમાંથી છે. તો કોઈ હાઈપ્રોફાઈલ જોબ કરે છે.
સુરતમાં CA અને હાઇ પ્રોફાઇલ જોબવાળા લેશે દીક્ષા
1 ફેબ્રુઆરી જૈન ધર્મ માટે ખૂબ જ અગત્યનો પ્રસંગ રહેશે. કારણ કે આ દિવસે સૌથી વધુ મુમુક્ષો દીક્ષા લેવા જઈ રહ્યા છે. સુરતના વેસુ વિસ્તારમાં આચાર્ય શ્રી વિજય શ્રેયાંશપ્રભૂસુરીશ્વરજીના સાનિધ્યમાં 71 મુમુક્ષો જ્યારે પાલ રામ પાવન ભૂમિ ખાતે આચાર્ય અભયદેવસૂરીશ્વરજીના સાનિધ્યમાં 5 મુમુક્ષો ત્યારે પાલ ઓમકાસુરી આરાધના ભવન ખાતે 22 મુમુક્ષો આચાર્ય શ્રીયશોવીજયસુરીશ્વરજીના સાનિધ્યમાં દીક્ષા લેશે.