સવારે 8 કલાકે પાલ RTO કચેરી નજીક BRTS બસે સગર્ભાને અડફેટે લીધી હતી. ત્યારે બસ સાથે ભાગતા બસ ડ્રાઇવરને લોકોએ ઝડપી પાડ્યો હતો. તેમજ 108ને કોલ કરી સગર્ભા મહિલાને સારવાર માટે સિવિલ હૉસ્પિટલમાં ખસેડી હતી.
ઇજાગ્રસ્ત 19 વર્ષીય સગર્ભા અનિતા સરવૈયા મૂળ ભાવનગરની છે. જે સુરતમાં પાલ RTO નજીક નવનિર્મિત બ્રિજ પાસે રમકડાં વેચી પોતાનું ગુજરાન ચલાવે છે. આમ, એકવાર ફરી BRTS બસ ડ્રાઈવરની બેદરકારી સામે આવતાં લોકોમાં રોષ જોવા મળી રહ્યો છે. ત્યારે 7 માસની સગર્ભા મહિલાને અડફેટે લેતાં મુસાફરો અને રાહદારીઓની સુરક્ષા સામે અનેક પ્રશ્નો ઊભા થયા છે. હાલ પોલીસે આ ઘટનાની તપાસ કરી આગળની કાર્યવાહી હાથ ધરી છે.