સુરત:કોંગ્રેસ અધ્યક્ષ મલ્લિકાર્જુન ખડકેએ અગાઉ વડાપ્રધાન નરેન્દ્ર મોદીની સરખામણી રાવણ સાથે કરી ચૂક્યા છે અને હવે ફરી એક વખત તેઓએ વડાપ્રધાન નરેન્દ્ર મોદીને લઈ વિવાદિત નિવેદન આપ્યું છે. કર્ણાટક વિધાનસભાની ચૂંટણીને લઇ કોંગ્રેસના નેતાઓ એક બાદ એક ચૂંટણી સભા યોજી રહ્યા છે આવી જ એક જ ચૂંટણી સભામાં મલ્લિકાર્જુન ખડગે એ વડાપ્રધાન નરેન્દ્ર મોદીને ઝેરી સાપ જેવા કહ્યું છે. જેને લઇ દેશભરમાં ભાજપના નેતાઓ અને કાર્યકરો લાલ ધૂમ થઈ ગયા છે. ગુજરાત પ્રદેશ પ્રમુખ સી.આર પાર્ટીલે પણ કોંગ્રેસ અને ગાંધી પરિવારને આડે હાથ લીધો હતો.
'વડાપ્રધાન નરેન્દ્ર મોદી માટે કોંગ્રેસના નેતાઓએ વારંવાર અભદ્ર ટિપ્પણી કરી છે આ સંસદીય શબ્દનો વારંવાર પ્રયોગ કર્યો છે. શેરીના ગુંડાઓ જે ભાષા વાપરતા હોય છે તેના પ્રયોગ પણ તેઓએ કર્યા છે. કુલ મળીને 91 વખત આવા લોકોએ વડાપ્રધાન નરેન્દ્ર મોદી જે શબ્દ પ્રયોગ કર્યા છે તેની યાદી છે. પરંતુ આજે કોંગ્રેસના રાષ્ટ્રીય અધ્યક્ષ અને વરિષ્ઠ નેતા મલ્લિકાર્જુન ખડગે આટલા સિનિયર હોવા છતાં પીએમ મોદી પર ટિપ્પણી કરી છે એ યોગ્ય નથી પરંતુ આ કોંગ્રેસની પરંપરા રહી છે.' - સી.આર. પાટીલ, પ્રદેશ પ્રમુખ, ભાજપ