બેઠકમાં સમાવિષ્ટ વિધાનસભા મતદાર વિભાગ મુજબ અલગ-અલગ રૂમમાં 14 ટેબલની વ્યવસ્થા કરવામાં આવી છે. દરેક ટેબલ ઉપર એક મતગણતરી સુપરવાઇઝર, એક માઇક્રોઓબ્ઝર્વર અને એક મતગણતરી સહાયક ઉપસ્થિત રહેશે. સુરત જિલ્લા ચૂંટણીતંત્ર દ્વારા તમામ તૈયારીઓને આખરી ઓપ આપવામાં આવ્યો છે. મતગણતરી માટે કુલ 1500થી વધુ અધિકારી ,કર્મચારીઓ ફરજ બજાવશે.
24-સુરત લોકસભાની સાત વિધાનસભા વિસ્તાર મુજબ 124 રાઉન્ડમાં મતગણતરી - gujarat
સૂરતઃ લોકસભા સામાન્ય ચૂંટણી-2019ની 24-સુરત બેઠકની મતગણતરી પીપલોદ સ્થિત S.V.N.I.Tકોલેજ કેમ્પસ ખાતે 23 મેના રોજ મતગણતરી થશે. 24-સુરત લોકસભામાં સમાવિષ્ટ 7 વિધાનસભા વિસ્તાર મુજબ અલગ-અલગ હોલમાં કુલ 124 રાઉન્ડમાં મતગણતરી યોજાશે.
સુરત 24 રાઉન્ડમાં મતગણતરી યોજાશે
7 વિધાનસભા મતદાર વિસ્તાર મુજબ 14 ટેબલ મળી કુલ 98 ટેબલ તથા ટપાલમતપત્ર માટે અલગ હોલમાં 4 ટેબલ પર મતગણતરી હાથ ધરવામાં આવશે. મેડીકલ ટીમ અને મહાનગરપાલિકા ફાયર વિભાગ, B.S.N.L, G.E.B સહિત વિવિધ વિભાગના કર્મીઓ પણ તેમને સોંપવામાં આવેલી કામગીરી પ્રમાણે ફરજ બજાવશે. કાયદો વ્યવસ્થા જાળવણી માટે અંદાજે 700 પોલીસ અધિકારી, કર્મીઓ તેમજ હોમગાર્ડઝને તૈનાત કરવામાં આવ્યા છે.
સુરત લોકસભાના વિધાનસભા મતદાર વિભાગ મુજબ મતગણતરીના રાઉન્ડની વિગતો જોઇએ તો 155-ઓલપાડ વિધાનસભામાં 31 રાઉન્ડ, 159-સુરત પૂર્વમાં 16 રાઉન્ડ, 160- સુરત ઉત્તરમાં 12 રાઉન્ડ, 161-વરાછામાં 15 રાઉન્ડ, 162-કરંજમાં 13 રાઉન્ડ, 166-કતારગામ વિધાનસભામાં 21 રાઉન્ડ અને 164-સુરત પશ્વિમ માટે 16 રાઉન્ડ મળીને કુલ 124 રાઉન્ડમાં મતગણતરી હાથ ધરવામાં આવશે. પોસ્ટલ બેલેટની મતગણતરી માટે અલગ રૂમની વ્યવસ્થા કરવામાં આવી છે. બેલેટ ગણતરી માટે એ.આર.ઓ, અધિકારીઓ, મામલતદાર, કારકુન સહિત કુલ 30 અધિકારી, કર્મચારીઓને ફરજ સોંપવામાં આવી છે.