વેવાઈ-વેવાણની આત્મહત્યાનો મામલોઃ પ્રેમ સંબંધ બાદ બન્નેએ મોત વ્હાલું કર્યું

સાબરકાંઠાના વડાલીના થેરાસણા ગામના એક જ સમાજના સામાજિક રીતે વેવાઇ અને વેવાણના સબંધથી જોડાયેલું યુગલ ચાર-પાંચ દિવસ અગાઉ ગામમાંથી ફરાર થઈ ગયું હતું. જો કે, મંગળવારે બંનેના ખેડબ્રહ્માના આગીયા ગામેથી લટકતી હાલતમાં મૃતદેહ મળી આવતા સમગ્ર વિસ્તારમાં ચકચાર સર્જાયો છે.

સાબરકાંઠાઃ વડાલીના થેરાસણા ગામના વેવાઈ અને વેવાણ 4 દિવસ પહેલા થેરાસણા ગામેથી ગુમ થયા હતા. સંતાનોના સંબંધથી જોડાયેલું યુગલ દ્વારા પ્રેમ સંબંધ ફેરવાયા બાદ બંને ફરાર થવાનો નિર્ણય લીધા બાદ મંગળવારે અચાનક બંનેના મૃતદેહ મળી આવતા ખેડબ્રહ્માના દિધિયા ગામે ચકચાર મચી હતી.

સામાજિક અને સાહસિક સંબંધોને શર્મસાર કરનારો આવો કિસ્સો આ પહેલા સુરતમાં બની ચૂક્યો છે. તેમજ સુરતના કિસાનું પુનરાવર્તન થતું હોય તે પ્રકારનો કિસ્સો વડાલીના થેરાસણામાં બનવાના પગલે આસપાસના વિસ્તાર સહિત સમગ્ર જિલ્લામાં ટૉક ઑફ ધ ટાઉન બનવા પામ્યો છે. જો કે સંતાનોના સબંધ થાય તે પહેલા સામાજિક સંબંધોથી જોડાયેલા યુગલ ગામમાંથી ફરાર થયા બાદ ખેડબ્રહ્મા આત્મહત્યા કરતા પોલીસ ઘટના સ્થળે પહોંચી છે. તેમ જ બંનેના મૃતદેહ કબ્જે લઇ પીએમ અર્થે ખસેડાયા છે.

ભૂતકાળમાં એક પત્નીને છુટાછેડા આપ્યા બાદ બીજી પત્ની સાથે રહેતા આ યૂગલે પોતાના દીકરા-દીકરીના સંબંધ ગામમાં જ નક્કી કર્યા હતા. જો કે લગ્ન લેવાય તે પહેલા જ વેવાઈ વેવાણના સંબંધો પ્રેમના સંબંધોમાં ફેરવાઇ જતા બંને ઘર છોડવાનું નક્કી કરી લીધું હતું. તેમ જ ટૂંક સમય પહેલા ઘર છોડી ફરાર થઈ ગયા હતા. જો કે લોકોના પગલે તેઓ ઘરે પરત ફર્યા હતા.

પરંતુ ચાર દિવસ અગાઉ ઘરેથી ફરાર થયા બાદ ખેડબ્રહ્માના દિયા ગામની સીમમાંથી બંનેના મૃતદેહ લટકતી હાલતમાં મળી આવતા પોલીસે આ મામલે અકસ્માતે મોતનો ગુનો નોંધી વધુ તપાસ હાથ ધરી છે. જોકે સામાન્ય સંજોગોમાં સંતાનોના સંબંધ કેવા તે પહેલા વેવાઈ વેવાણના સંબંધો પર હવે પ્રશ્ન ઊભો થાય તેવી સ્થિતિ નિર્માણ પામી છે.