સમાજને કલંકિત કરનારો કિસ્સો, બેવફા પત્નીએ કરાવી પતિની હત્યા

સાબરકાંઠાના પ્રાંતિજ તાલુકાના સુખડગામની સીમમાં 10 દિવસ પહેલા એક યુવકનો મૃતદેહ મળી આવ્યો હતો. જેની પોલીસ દ્વારા તપાસ હાથ ધરવામાં આવતા મૃતકની પત્ની અને તેના પ્રેમી સાથે મળી પતિની હત્યા કરી હોવાની વિગતો બહાર આવી છે. સમગ્ર કેસ અંગે પોલીસ દ્વારા કરવામાં આવેલી કાર્યવાહીમાં મૃતકની પત્ની અને તેના પ્રેમીને જેલને હવાલે કરી દેવામાં આવ્યા છે.

હિંમતનગર: પ્રાંતિજ તાલુકાના સુખડ ગામની સીમમાં એક યુવકનો મૃતદેહ મળી આવતા તે અમદાવાદનો રહેવાસી હોવાનું અને અમદાવાદના કારંજ પોલીસ સ્ટેશનમાં ફરજ બજાવતો હોવાનુ સામે આવ્યું હતું. મૃતકની પત્ની દ્વારા પ્રાંતિજ પોલીસ સ્ટેશનમાં અકસ્માતનો ગુનો નોંધી તપાસ હાથ ધરવામાં આવી હતી. આ મામલે સાબરકાંઠા પોલીસ દ્વારા વિવિધ ટીમ બનાવી પૂછપરછ કરતાં મૃતકની પત્નીનું વર્તન પોલીસને શંકાસ્પદ જણાયું હતું. આથી વધુ સઘન તપાસમાં મૃતકની પત્નીએ તેના પ્રેમી સાથે મળી આ સમગ્ર કાવતરૂં રચ્યું હોવાની કબૂલાત કરી હતી. મૃતકની પત્નીના પ્રેમીએ મૃતકને દારૂ પીવડાવી અમદાવાદથી સુખડ ગામમાં લાવી ગળું દબાવી મોતને ઘાટ ઉતાર્યો હતો અને તેના પર ગાડી ચઢાવી દીધી હતી. હવે આ કેસનો ભેદ ઉકેલાઇ ગયો છે. આ ઉપરાંત પોલીસ દ્વારા કરવામાં આવેલી કાર્યવાહીમાં મૃતકની પત્ની અને તેના પ્રેમીને જેલને હવાલે કરી દેવામાં આવ્યા છે.