હિમતનગર: સાબરકાંઠાના વિજયનગરના કણાદર ગામે મહુડા લેવા ગયેલા મહિલા પર દીપડાનો હુમલો થતાં મહિલાનું મોત થયું છે. જેના પગલે સમગ્ર વિસ્તારમાં ભય ફેલાયો છે. જોકે પોલીસ તેમજ વનવિભાગના અધિકારીઓ દ્વારા હાલમાં ઘટનાસ્થળે પહોંચી દીપડાને ઝડપી લેવા તજવીજ હાથ ધરવામાં આવી છે.
વિજયનગરના કણાદર ગામે સ્થાનિક વિસ્તારમાં મહુડા લેવા ગયેલા મહિલા પર અચાનક દીપડાએ હુમલો કર્યો હતો. હુમલો એટલો ભયાનક હતો કે મહિલા તેની પકડમાંથી પણ ભાગી શકી નહી અને મહિલા દિપડાનો શિકાર બની. આ ઘટનાથી સમગ્ર વિસ્તારમાં અરેરાટી ફેલાઈ છે. જોકે પોલીસ તેમજ વનવિભાગના અધિકારીઓ દ્વારા હાલમાં ઘટનાસ્થળે પહોંચી દીપડાને ઝડપી લેવા તજવીજ હાથ ધરી છે.