મહેસુલ પ્રધાન કૌશિક પટેલ દ્વારા તલોદ ખાતે સહાય વિતરણ કરાઈ

સાબરકાંઠા : તલોદ ખાતે મહેસુલ પ્રધાન કૌશિક પટેલના હસ્તે વિધવા સહાય તેમજ વય મર્યાદા પર સરકાર દ્વારા અપાતી સહાય માટેના હુકમ પત્રોનું વિતરણ કરવામાં આવ્યું હતું. જેમાં ત્રણ હજારથી વધારે ઉત્તમ પત્રોનું વિતરણ કરાયું હતું.

સાબરકાંઠાના તલોદ તાલુકાના તેમજ વર્ષો વિસ્તારના ત્રણ હજારથી વધારે વિધવા તેમજ વય મર્યાદા આધારિત લોકોને ગુજરાત સરકારના મહેસૂલ પ્રધાન કૌશિકભાઈ પટેલના હસ્તે હુકમ પત્રો આપવામાં આવ્યા હતા. જેના પગલે ત્રણ હજારથી વધારે સંખ્યામાં સ્થાનિક લોકોને આગામી સમયથી જ સરકાર દ્વારા નક્કી કરાયેલ રકમ મળતી થઈ જશે.

હાલમાં વિધવા સહાય અંતર્ગત રૂપિયા 1500થી વધુની સહાય સરકાર દ્વારા આપવામાં આવે છે. આગામી મહિનાથી વિધવાના એકાઉન્ટમાં વયમર્યાદા અંતર્ગત 1200 રૂપિયાથી વધારેની સહાય આપવામાં આવશે.

જેમાં તલોદ તેમજ હરસોલ વિસ્તારના કુલ 3000થી વધારેની સંખ્યામાં લોકોને આગામી માસથી જ સહાય મળતી થઈ જશે. તેના માટે ગુજરાત સરકારના મહેસુલ વિભાગ તરફથી તમામ લોકોની હુકમ પત્ર સાથેની તમામ તૈયારીઓ પૂર્ણ કરી દેવાઇ હતી. જો કે, હજુ કેટલાક લોકો આ વિસ્તારમાં સહાય વિહોણા છે. ત્યારે સ્થાનિક ગામડાઓમાં જાગૃતિના અભાવને પગલે આવા લોકોને ક્યારે સહાય મળશે એ તો આગામી સમય જ બતાવશે.