સાબરકાંઠાઃ જિલ્લાના વડાલી વિસ્તારના મોટાભાગના લોકો ખેતી તેમજ પશુપાલન સાથે સંકળાયેલા છે, ત્યારે છેલ્લા 3 દિવસથી થઇ રહેલા અવિરત વરસાદને પગલે કરેલ નદીમાં પાણી આવતા પશુપાલન સાથે સંકળાયેલા લોકો માટે નદી પાર કરવી મોટી સમસ્યા સમાન બની રહેલી છે.
સાબરકાંઠાની કરેલ નદીમાં પાણી આવ્યું, પુલની માગ સાથે સ્થાનિકોએ ચૂંટણી બહિષ્કારનો મુદ્દો ઉઠાવ્યો - Wadali and Idar area
સાબરકાંઠા જિલ્લામાં છેલ્લા 3 દિવસથી થઇ રહેલા સતત વરસાદને પગલે વડાલી અને ઇડર વિસ્તારની કરેલ નદીમાં પાણી આવતા સ્થાનિક વિસ્તારના લોકોએ ફરી એક વખત પુલની માગ કરી હતી. જો કોઇ પગલા લેવામાં નહીં આવે તો ચૂંટણી બહિષ્કારની ચીમકી આપી હતી.
સાબરકાંઠાની કરેલ નદી ઓવરફ્લો, સ્થાનિકો દ્વારા ફરી પુલની માગ
જો કે, આ મામલે ભૂતકાળમાં સ્થાનિય લોકોથી લઇ વહીવટી પ્રશાસન અને ધારાસભ્યથી લઇ સાંસદ સુધી રજૂઆત કરાઇ હોવા છતાં આજદિન સુધી કોઇ પગલાં ન લેવાતા સ્થાનિકોએ ભૂતકાળમાં ચૂંટણી બહિષ્કારનો મુદ્દો ઉઠાવ્યો હતો. આજદિન સુધી આ મામલે કોઇપણ પ્રકારની કાર્યવાહી હાથ ન ધરાતા હવે ફરી એક વખત સ્થાનિકોએ નદી પર પુલ બનાવવાની માગ કરી છે. તેમજ માગ ન સંતોષાય તો આગામી સમયમાં ચૂંટણી બહિષ્કારની ચીમકી ઉચ્ચારી હતી.
જો કે, આગામી સમયમાં નદી પર પુલ બનાવવાની માગ પ્રબળ બને છે. તેમજ વહીવટી તંત્ર દ્વારા આ મામલે કેવા પગલાં લેવાય છે, તે પણ મહત્વનું બની રહેશે.