હિંમતનગરમાં કૂટણખાનું ચલાવતા 5 આરોપીની ધરપકડ કરાઈ

સાબરકાંઠાઃ જિલ્લાના હિંમતનગરમાંથી કૂટણખાનું ઝડપાયું છે. તૃષ્ણા ગેસ્ટહાઉસમાં દેહવ્યાપાર ચલાવતાં હૉટલના માલિક અને ગ્રાહક સહિત 5 લોકોની ધરપકડ કરવામાં આવી છે. પોલીસે આરોપીની ધરપકડ કરી આગળની તપાસ હાથ ધરી છે.

હિંમતનગરમાં નાયબ પોલીસ અધિક્ષકને બાતમી મળી હતી કે, સાબરડેરી પાસે આવેલાં તૃષ્ણા ગેસ્ટહાઉસમાં કૂટણખાણનું ચલાવવામાં આવે છે. માહિતી મળ્યાં બાદ પોલીસે ગેસ્ટ હાઉસમાં નકલી ગ્રાહક બની બે અલગ-અલગ ટીમ દ્વારા વોચ રાખી હતી.

આ દરમિયાન કૂટણખાનું ચલાવતા ગણપત ખટીક, શામલાલ ખટીક, નજર સૈયદ, ઉમારામ રબારી અને વારીસ કાદરી સહિત 5 આરોપીઓની ધરપકડ કરી હતી. પોલીસે ઘટનાસ્થળેથી આરોપીઓ પાસેથી રોકડ રકમ સહિત મોબાઈલ જપ્ત કર્યા હતાં, ત્યારબાદ આરોપીઓની પ્રાથમિક તપાસ કર્યા બાદ આગળની કાર્યવાહી હાથ ધરી હતી.