કોરોના પોઝિટિવ મામલે સાબરકાંઠા જિલ્લાથી ગ્રાઉન્ડ રિપોર્ટ

વૈશ્વિક મહામારી ઘોષિત થઈ ચૂકેલી કોરોના વાયરસનો કહેર હવે ગુજરાતના સાબરકાંઠામાં પણ જોવા મળી રહ્યો છે. સાબરકાંઠા જિલ્લામાં કોરોના વાયરસ પોઝિટિવ કેસનો આંક 3 ડિજીટ સુધી પહોંચવા આવ્યો છે. તો બીજી તરફ સમગ્ર જિલ્લામાં અત્યાર સુધી કોરોના વાયરસથી ત્રણ લોકોના મોત પણ થયા છે.

સાબરકાંઠા : સમગ્ર વિશ્વમાં હાહાકાર મચાવનાર કોરોના વાયરસથી દિન-પ્રતિદિન હજારો લોકો મોતને ભેટી રહ્યાં છે. ત્યારે સાબરકાંઠા જિલ્લામાં પણ હવે કોરોના વાયરસનો કહેર વધતો જઈ રહ્યો છે.

જિલ્લામાં છેલ્લા 36 કલાકમાં 26 થી પણ વધારે કેસ નોંધાઈ ચુક્યા છે. તેમજ કોરોના વાયરસથી અત્યાર સુધીમાં સાબરકાંઠા જિલ્લામાં 90થી વધારે સંક્રમિત લોકોની સંખ્યા થઇ ગઇ છે. તેમજ ત્રણ લોકોના મોત થઇ ચૂક્યા છે. ત્યારે આગામી સમયમાં વહીવટીતંત્ર દ્વારા કોરોના વાયરસ મામલે ઠોસ પગલાં નહીં ભરાય તો સ્થિતિ વધુ વણસી શકે તેમ છે.

હાલમાં સાબરકાંઠા જિલ્લામાં સૌથી વધુ કેસ પ્રાંતિજમાં નોંધાયો છે. જ્યાં કોરોના વાયરસની સંખ્યા 25 થી વધુ નોંધાવા પામી છે. જો કે, સવારે જિલ્લાના 8 તાલુકા પૈકી તમામ તાલુકાઓમાં કોરોના વાયરસનો કહેર યથાવત રીતે આગળ વધી રહ્યો છે. તેમજ આગામી સમયમાં વહીવટીતંત્ર વધુ કઠોર બને તે પણ જરૂરી છે.

જો કે, દિન પ્રતિદિન કોરોનાનો કહેર સાબરકાંઠામાં યથાવત રીતે આગળ વધી રહ્યો છે. ત્યારે સાબરકાંઠા જિલ્લા પ્રશાસન ઠોસ કાર્યવાહી કરી કોરોના વાયરસને આગળ વધતો અટકાવે તે જરૂરી છે.