સાબરકાંઠાના સાંસદ દ્વારા દત્તક લેવાયેલા ગામડાઓમાં કેન્દ્રીય ટીમ પહોંચી, ગત 6 વર્ષના કામોના કરાશે લેખાજોખા

વડાપ્રધાન મોદીએ દેશના દરેક સાંસદોને ગામડાઓ ગત્તક લેવા અંગે કહ્યું હતું. જેથી દેશના દરેક સાંસદોએ ગામડાઓ દત્તક લીધાં હતા. જેની વર્તમાન સ્થિતિ મામલે કેન્દ્રીય ટીમ હાલમાં સાબરકાંઠા જિલ્લાની મુલાકાતે છે. જેમાં કેન્દ્રીય ટીમ આગામી એક સપ્તાહ સુધી સાબરકાંઠા જિલ્લાના 10 જેટલા ગામડાઓમાં ગત 6 વર્ષમાં થયેલા કામો અને લેખાજોખામાં જીણવટપૂર્વકની વિગતો મેળવી રહી છે.

• વડાપ્રધાન મોદીએ દેશના દરેક સાંસદોને ગામડા દત્તક લેવા કર્યું હતું આહ્વાન
• PMના આહ્વાનના પગલે દરેક સાંસદોએ ગામડા લીધાં હતાં દત્તક
• દત્તક લેવાયેલા ગામની કેન્દ્રીય ટીમે લીધી મુલાકાત

સાબરકાંઠા: વડાપ્રધાન મોદીની અપીલના પગલે ભારતના તમામ સાંસદો વર્ષ દરમિયાન 2 ગામડાઓને દત્તક લઈ ગામડાના વિકાસમાં ભાગીદાર બન્યા હતા. આ ઉપરાંત સાંસદ દ્વારા દત્તક લેવાયેલા ગામડાઓમાં કેન્દ્રીય યોજનાઓને છેવાડાના વ્યક્તિ સુધી પહોંચાડવા માટે વિશેષ પ્રયાસ હાથ ધર્યો હતો. જે અંતર્ગત સાબરકાંઠા જિલ્લામાં ગત 6 વર્ષની અંદર 10થી વધારે ગામડા સાબરકાંઠા જિલ્લા સાંસદ દ્વારા દત્તક લેવાયા હતા. જેથી કેન્દ્રીય ટીમ આગામી 4 નવેમ્બર સુધી સાબરકાંઠાના ઈડર, વડાલી, ખેડબ્રહ્મા અને પોશિનાના દત્તક લેવાયેલા ગામડાઓમાં થયેલા કાર્યોની વિગતો મેળવશે.

કેન્દ્રીય ટીમ ગામડાની મુલાકાતે

કેન્દ્રીય ટીમે ગામડાઓની મુલાકાત લીધી

શુક્રવારે કેન્દ્રીય ટીમે ઈડર તાલુકાના દેશોતર ગામની મુલાકાત લીધી હતી. આ મુલાકાત દરમિયાન કેન્દ્રીય ટીમે ગામમાં ગત 6 વર્ષમાં થયેલા કામકાજની ઝીણવટપૂર્વકની વિગતો મેળવી હતી.

ટીમે સ્થાનિક લોકોના મંતવ્યો જાણ્યાં
સાંસદ દ્વારા દત્તક લેવાયેલા ગામડાઓમાં ગત 6 વર્ષમાં થયેલા વિકાસ અને વિવિધ યોજનાઓના અમલીકરણ મુદ્દે સ્થાનિક લોકોના મંતવ્યો પણ કેન્દ્રીય ટીમે જાણ્યાં હતા. જેમાં સાંસદો દ્વારા દત્તક લેવાયેલા ગામડાઓમાં યોજનાઓ કરતા સાંસદ સામે અસંતોષનું પ્રમાણ વધારે જણાયું હતું.ા