સાબરકાંઠામાં મૂક બધિર યુવતી સાથે દુષ્કર્મ કરનારની ધરપકડ

સાબરકાંઠા: સોમવારે બપોરે ઈડરમાં મુક બધિર યુવતી સાથે દુષ્કર્મનો કિસ્સો પ્રકાશમાં આવ્યો હતો. ગામના જ યુવાને યુવતીને બસમાંથી ઉતારી જંગલમાં ખેંચી જઈ દુષ્કૃમ આર્ચયું હતું. યુવતીના પરિવાર ન્યાય મેળવવા પોલીસ મથક પહોંચ્યો હતો. પોલીસે પહેલા આ ગુનાની ફરીયાદ લીધી ન હતી. બાદમાં ગુનો નોંધી પોલીસે આરોપીની ધરપકડ કરી કાયદેસરની કાર્યવાહી હાથ ધરી છે.

સાબરકાંઠાના ઇડર તાલુકાના એક ગામમાં મુક-બધિર યુવતી ઇડર ખાતે અભ્યાસ કરે છે. તે એસટી બસમાં બેસી પરત આવી રહી હતી. આ દરમિયાન તેના જ ગામના યુવકે રસ્તામાં બસ ઉભી રખાવી યુવતીને જંગલમાં ખેંચી જઈ બળજબરીપૂર્વક દુષ્કર્મ આચર્યુ હતું.

ઘટનાની જાણ થતાં યુવતીના પરિવારના પગ તળેથી જમીન ખસી ગઈ હતી. યુવતીના પરિવારજનોએ આ યુવક સામે દુષ્કર્મની ફરિયાદ કર્યા બાદ પોલીસે આરોપીની ધરપકડ કરી જેલના સળીયા પાછળ ધકેલી દીધો છે. તેમજ આરોપીના રિમાન્ડ મેળવી વધુ તજવીજ હાથ ધરી છે.