રાજકોટમાં ધોરમાર વરસાદના કારણે અંડર બ્રિજમાં પાણીનો ગરકાવ

રાજકોટઃ શહેરમાં સતત બે દિવસથી ધોધમાર વરસી રહેલા વરસાદથી નીચાણવાળા વિસ્તારોમાં પાણી ભરાયા હતા. રાજકોટના પોપટપરા વિસ્તારના અંડર બ્રિજમાં પાણીનો ગરકાવ થઈ ગયો હતો, અને અનેક વિસ્તારોના રસ્તાઓ પર ભૂવા પડ્યા હતા.

રાજકોટ સહિત સમગ્ર સૌરાષ્ટ્રમાં છેલ્લા બે હળવો મધ્યમ વરસાદ વરસી રહ્યો છે. જેને લઈને શહેરના મુખ્ય અંડર બ્રિજ લક્ષ્મીનગરનું નાલું તેમજ રેલનગર વિસ્તારમાં આવેલ અંડર બ્રિજ પાણીમાં સંપૂર્ણ ગરકાવ થઈ ગયા છે. રાજકોટમાં ભારે વરસાદના પગલે દર વર્ષે આ પ્રકારની સમસ્યાઓ સર્જાય છે, જેને લઈને વિસ્તારવાસીઓ દ્વારા તંત્રને ઘણીવાર રજુઆત કરવામાં આવી છે. તેમ છતાં તંત્ર દ્વારા કોઈ પણ પ્રકારની વૈકલ્પિક વ્યવસ્થા હજુ સુધી ન કરવામાં આવતા સ્થાનિકો રોષે ભરાયા છે.