રાજકોટઃ શહેરમાં આજે અલગ અલગ વિસ્તારના 69 જેટલા દર્દીઓના કોરોના રિપોર્ટ માટે સેમ્પલ લેવામાં આવ્યા હતા. જેમાંથી બે મહિલા દર્દીઓને કોરોના પોઝિટિવ આવ્યો હતો. જ્યારે 66 જેટલા દર્દીઓના રિપોર્ટ નેગેટિવ આવ્યા હતા.
આ ઉપરાંત ભુજ જિલ્લાનો રિપોર્ટ હજુ પેન્ડીંગ છે. જે મહિલાઓના કોરોના પોઝિટિવ આવ્યા છે તે બન્ને મહિલા રાજકોટના જંગલેશ્વર વિસ્તારની છે અને સામ સામેની શેરીઓમાં રહે છે. બે દર્દીઓમાં એક મહિલાની ઉંમર 65 વર્ષ જ્યારે બીજીની 35 વર્ષની છે. હાલ બન્ને મહિલા દર્દીઓને રાજકોટ સિવિલ હોસ્પિટલ ખાતે ખસેડવામાં આવી છે.