રાજકોટમાં ટ્રાફિક વોર્ડન ફરજ દરમિયાન મોબાઈલ નહી રાખી શકે, કમિશ્નરનો આદેશ

રાજકોટ: સમગ્ર દેશમાં હાલ ટ્રાફિકના નવા નિયમો સામે ઉહાપોહ જોવા મળી રહ્યો છે, ત્યારે રાજકોટ પોલીસ કમિશ્નર દ્વારા શહેરમાં ટ્રાફિકની વ્યવસ્થા સુધરે તે માટે મહત્વનો નિર્ણય લેવામાં આવ્યો છે. જેમાં રાજકોટમાં ફરજ બજાવતા ટ્રાફિક વોર્ડનને પોતાની ડ્યુટી દરમિયાન પોતાનો મોબાઈલ પાસે નહિ રાખી શકે.

રાજકોટમાં ટ્રાફિક વોર્ડન ફરજ દરમિયાન મોબાઈલ ફોન પોઈન્ટ પરના ઇન્ચાર્જ અધિકારીને જમાં કરાવવાનો રહેશે. વોર્ડન જ્યારે પોતાની ફરજ પર આવી જાય ત્યારબાદ તેની મોબાઈલ મારફતે હાજરી પુરવામાં આવે છે. એ કામ બાદ તરતજ વોર્ડનને પોતાની પાસે રહેલો મોબાઈલ ફોન જમા કરાવવાનો રહેશે.

આ અંગે DCP મનોહરસિંહ જાડેજાએ જણાવ્યું હતું કે, શહેરમાં ટ્રાફિકની ફરજ દરમિયાન ઘણી વખત વોર્ડન ફોનમાં વ્યસ્ત હોવાનું જણાઈ આવ્યું હતું. જેને લઈને આ નિર્ણય લેવામાં આવ્યો છે.