વાયુ વાવાઝોડાને લઈને સૌરાષ્ટ્રભરના માર્કેટિંગ યાર્ડ રહેશે બંધ

રાજકોટ: હાલ સમગ્ર રાજ્યમાં વાયુ વાવાઝોડાનો કહેર વર્તાઈ રહ્યો છે. ત્યારે ખાસ સૌરાષ્ટ્રના દરીયા કિનારે આ વાયુ નામનું વાવાઝોડું ત્રાટકવાનું છે. જેને લઈને સૌરાષ્ટ્રમાં તમામ માર્કેટિંગ યાર્ડને બંધ રાખવાનો વેપારી એસોસિએશન દ્વારા નિર્ણય લેવામાં આવ્યો છે. આ વાવાઝોડા દરમિયાન આવનાર વરસાદમાં ખેડૂતોનો માલ બગડે નહી તેમજ ખેડૂતો હેરાન ન થાય તે માટે આ નિર્ણય લેવામાં આવ્યો છે.

વાયુ વાવાઝોડાની અસરના પગલે સૌરાષ્ટ્રના માર્કેટિંગ યાર્ડ બંધ રાખવાનો નિર્ણય લેવામાં આવ્યો છે. વાયુ વાવાઝોડા દરમિયાન આવનાર તોફાની વરસાદના કારણે ખેડૂતોનો માલ બગડે નહિ અને દૂર-દૂરથી યાર્ડમાં પોતાનો માલ લઈને આવતા ખેડૂતો હેરાન ન થાય તે માટે આ નિર્ણય લેવામાં આવ્યો છે.

યાર્ડના સત્તાધીશો દ્વારા જાહેરાત કરવામાં આવી છે કે, આગામી દિવસોમાં હવામાન વિભાગ દ્વારા વાયુ વાવાઝોડાને લઈને જાહેરાત કરવા નહી આવે ત્યાં સુધી આ યાર્ડ બંધ રાખવામાં આવશે.