રાજકોટમાં સૌરાષ્ટ્રના સૌથી ઉંચા રાવણનું કરાશે દહન

રાજકોટમાં વિજયા દશમીના દિવસે વિશ્વ હિન્દુ પરિષદ અને બજરંગ દળ દ્વારા રાવણ દહનનું આયોજન કરાયું છે. જ્યારે તેના માટે અંદાજીત 55 ફૂટનો રાવણ પણ તૈયાર કરવામાં આવી રહ્યો છે. જેનો દશેરાના દિવસે દહન કરવાનો ભવ્ય કાર્યક્રમ પણ યોજાશે. હજુ પણ કોરોના સંપૂર્ણ રીતે ગયો નથી જેને લઈને ભક્તોને ઓનલાઈન રાવણ દહનનો કાર્યક્રમ નિહાળવાની અપીલ કરવામાં આવી છે.

• રાજકોટમાં 55 ફૂટના રાવણનું કરાશે દહન
• લોકોને ઘરે રહીને ઓનલાઈન કાર્યક્રમ જોવાની અપીલ
• વિશ્વ હિન્દુ પરિષદ અને બજરંગ દળ દ્વારા રાવણ દહનના કાર્યક્રમનું આયોજન કરાયું

રાજકોટ : કોરોનાકાળમાં છેલ્લા દોઢ વર્ષથી તહેવારો, ઉત્સવોની ઉજવણી થઇ શકતી ન હતી અને અનેક પરંપરાઓ પણ તૂટી હતી. કોરોનાની બીજી ઘાતક લહેર પૂરી થયા બાદ રાજ્ય સરકાર દ્વારા નિયમોમાં છૂટછાટ અપાતા ગત વર્ષે બંધ રહેલા નવરાત્રી પર્વની ઉજવણી માટે છૂટ આપવામાં આવી છે. ત્યારે એક વર્ષના બ્રેક બાદ આ વર્ષે રાજકોટમાં વિજયા દશમીના દિવસે વિશ્વ હિન્દુ પરિષદ અને બજરંગ દળ દ્વારા રાવણ દહનનું આયોજન કરાયું છે. જ્યારે તેના માટે અંદાજીત 55 ફૂટનો રાવણ પણ તૈયાર કરવામાં આવી રહ્યો છે. જેનો દશેરાના દિવસે દહન કરવાનો ભવ્ય કાર્યક્રમ પણ યોજાશે. જેને લઈને રાજકોટવાસીઓમાં પણ ઉત્સાહનો માહોલ જોવા મળી રહ્યો છે.

સૌરાષ્ટ્રના સૌથી ઉંચા રાવણનું કરાશે દહન

શહેરના રેસકોર્ષમાં સૌરાષ્ટ્રના સૌથી મોટા 55 ફૂટ ઉંચા રાવણનું દહન કરવામાં આવશે. જેને લઇને તૈયારીઓ પણ શરૂ કરી દેવામાં આવી છે. આ માટે બે દિવસ માટે રેસકોર્સ મેદાનની ફાળવણી એસ્ટેટ શાખાએ કરી છે. રાજકોટના રેસકોર્સ મેદાન ખાતે દર વર્ષે સૌરાષ્ટ્રના સૌથી મોટા રાવણ દહનનું આયોજન વિશ્વ હિન્દુ પરિષદ અને બજરંગ દળ દ્વારા કરવામાં આવતું હોય છે. ગત વર્ષે કોરોનાના કારણે રાવણ દહનની ઉજવણી થઇ શકી ન હતી. પરંતુ આ વર્ષે કોરોના કેસ નહિવત થતા રાજ્ય સરકાર દ્વારા નિયમોને આધિન નવરાત્રિની ઉજવણીના મંજૂરી આપવામાં આવતા વિશ્વ હિન્દુ પરિષદ દ્વારા વિજયાદશમીના દિવસે રાવણદહનનું આયોજન કરવામાં આવ્યું છે.

રાવણ દહન દરમિયાન ભવ્ય આતશબાજી

રાવણ દહનના કાર્યક્રમ દરમિયાન ભવ્ય આતશબાજી પણ યોજવામાં આવશે. ત્યારબાદ 55 ફૂટ ઊંચા રાવણ અને 30-30 ફૂટ ઊંચા મેઘનાથ અને કુંભકર્ણના પૂતળાનું દહન કરવામાં આવશે. જેની તૈયારીઓ પૂરજોશમાં શરૂ થઈ ગઈ છે. ત્યારે વિશ્વ હિન્દુ પરિષદ દ્વારા રાવણ બનાવવા માટે ખાસ ઉત્તરપ્રદેશમાંથી કારીગરો મંગાવ્યા છે. જેઓ હાલ રાજકોટ ખાતે રહીને રાવણ સાથે મેઘનાથ અને કુંભકર્ણને પણ તૈયાર કરશે. જ્યારે કોરોનાના કારણે શહેરીજનોને રાવણ દહનની મજા માણવા નહોતી મળી. ત્યારે આ વર્ષે રાજ્ય સરકાર દ્વારા ગરબા રમવાની છૂટછાટ આપવામાં આવતા વિશ્વ હિન્દુ પરિષદ દ્વારા રાવણ દહનની પણ તૈયારીઓ શરૂ કરવામાં આવી છે.

લોકોને ઘરે રહીને ઓનલાઈન કાર્યક્રમ જોવાની અપીલ

રાજકોટમાં રાવણ દહનના કાર્યક્રમ અંગે VHPના મહાપ્રઘાન નિતેશભાઈ કથીરિયાએ જણાવ્યું હતું કે, વિશ્વ હિન્દુ પરિષદ અને બજરંગ દળ દ્વારા આ વર્ષે રાવણ દહનના કાર્યક્રમનું આયોજન રાજકોટના રેસકોર્સ ખાતે કરવામાં આવશે. જેમાં ઉત્તરપ્રદેશથી ખાસ કારીગર બોલવામાં આવ્યા છે. જેમની મહામહેનતે અંદાજીત 55 ફૂટનો રાવણ તૈયાર થયો છે. હજુ પણ કોરોના સંપૂર્ણ રીતે ગયો નથી જેને લઈને ભક્તોને ઓનલાઈન રાવણ દહનનો કાર્યક્રમ નિહાળવાની અપીલ કરવામાં આવી છે.

આ પણ વાંચો : હવે 2થી 18 વર્ષ સુધીના બાળકોને પણ આપવામાં આવશે કોવેક્સિન, DCGIએ આપી મંજૂરી

આ પણ વાંચો : પાકિસ્તાનથી આવ્યો હતો આતંકવાદી પીર મૌલાના, દિલ્હીમાં બ્લાસ્ટ કરવાનું હતું ષડયંત્ર