રાજકોટ ગ્રામ્ય પોલીસે ગુમ થયેલ 16 લાખના 111 મોબાઇલ ફોન મૂળ માલિકોને પરત કર્યા

રાજકોટઃ શહેર ગ્રામ્ય પોલીસે ગુમ થયેલ અંદાજે 16 લાખના 111 મોબાઇલ ફોન મૂળ માલિકોને પરત કર્યા હતા. રાજકોટ ગ્રામ્ય SP બલરામ મીણાએ વધુમાં જણાવ્યું હતું કે, પોલીસ દ્વારા નાગરિકોને બીલ વગરના મોબાઇલ ન લેવા તેમજ બીનવારસી મોબાઇલ મળી આવે ત્યારે નજીકના પોલીસ મથકમાં જમાં કરાવી સારા નાગરિક તરીકેની ફરજ નિભાવવા અપીલ કરી છે.

રાજકોટ શહેર ગ્રામ્ય જિલ્લા SP બલરામ મીણાની સુચના મુજબ DYSP પી.એસ.ગોસ્વામી મુખ્ય મથક રાજકોટ ગ્રામ્યના સીધા માર્ગદર્શન હેઠળ PSI એચ.એચ.વાજા પોલીસ કોન્સ્ટેબલ મહેશભાઇ તથા વૈભવભાઇ ગોહેલ તથા ધર્મેશભાઇ અને કોમ્યુટર શાખાના પોલીસ સ્ટાફ સાથે મળી રાજકોટ ગ્રામ્ય જીલ્લામાં ગુમ થયેલ મોબાઇલ ફોન શોધવા અંગે મહેનત કરી અલગ-અલગ કંપનીના મોબાઇલ ફોન ટ્રેસ કરી તા.1/5/19 થી તા.30/11/19 સુધીમાં ગુજરાત રાજય તથા બહારના રાજયો જેવા કે મેઘાલય, કર્ણાટક, ઝારખંડ, પશ્ચિમ બંગાલ મળી કુલ મોબાઇલ ફોન નંગ- 111ની કુલ રૂ. 16,16,110/- ના શોધી કાઢી રાજકોટ જિલ્લા પોલીસ વડા બલરામ મીણાના હસ્તક તેમના મૂળ માલિક સુધી પહોંચાડીયા હતા.