રાજકોટઃ શહેરમાં 59 જેટલા કોરોના વાઇરસના પોઝિટિવ કેસ સામે આવ્યા છે. જ્યારે એક વૃદ્ધાનું કોરોનાના કારણે મોત થયું છે, ત્યારે શહેર પોલીસ વધુ એક્ટિવ બની છે. જેને લઈને રાજકોટમાં ઠેર ઠેર લોકોને લોકડાઉનનું ચુસ્તપણે પાલન કરવી રહી છે. જ્યારે અલગ અલગ વિસ્તારમાં જીવનજરૂરી વસ્તુઓ લેવા દરમિયાન કોરોના વાઈરસ ન ફેલાય તે માટેની પણ કાળજી પોલીસ દ્વારા રાખવામાં આવી રહી છે.
રાજકોટમાં પોલીસે શાકભાજી વિક્રેતાઓના ટેમ્પરેચરની કરી તપાસ - ગુજરાત પોલીસ
કોરોના વાઇરસ મહામારીએ સમગ્ર વિશ્વ સહિત રાજ્યમાં કહેર મચાવ્યો છે, ત્યારે રાજકોટમાં વધતા જતાં કેસને ધ્યાને રાખીને રાજકોટ પોલીસ દ્વારા શાકભાજી વિક્રેતાના ટેમ્પરેચરની પણ તપાસ કરવામાં આવી હતી.
Rajkot News
જેને લઈને રાજકોટ પોલીસ દ્વારા શહેરના સાધુ વાસવાણી રોડ અને પુષ્કરધામ રોડ પર આવેલી તમામ શાકભાજી માર્કેટ અને શાકભાજી વિક્રેતાઓને માસ્ક, હેન્ડ ગ્લોઝ અને સેનેટાઇઝરનું વિતરણ કર્યું હતું. આ સાથે જ તેમને વિવિધ વિસ્તારમાં જ્યાં શાકભાજી વહેંચે ત્યાં આ વસ્તુઓનો કડક ઉપયોગ કરવાની પણ સૂચના આપી હતી.
જ્યારે શહેરના યુનિવર્સિટી પોલીસ દ્વારા આ માટે ખાસ ટેમ્પરેચર ગન પણ વસાવવામાં આવી છે. જેને લઈને આગામી સમયમાં દરરોજ પોલીસ સ્ટાફ દ્વારા પેટ્રોલિંગ દરમિયાન આ શાકભાજી વિક્રેતાઓનું પણ ટેમ્પરેચર માપવામાં આવશે. આમ, રાજકોટ પોલીસ દ્વારા કોરોના વાઇરસની મહામારીને રોકવા માટે અથાગ પ્રયત્ન કરવામાં આવી રહ્યા છે.