ગોંડલમાં સગીરા સાથે પાલક પિતાએ આચર્યુ દુષ્કર્મ, ગર્ભવતી બનતા ભાંડો ફૂટ્યો

રાજકોટ: દેશભરમાં દુષ્કર્મની ઘટનાઓ દિન પ્રતિદિન વધતી જતી જોવાં મળી રહી છે. બીજી તરફ વધતા જતાં દુષ્કર્મના બનાવોને લઈને લોકોમાં રોષ ભભૂકી ઉઠ્યો છે. ત્યારે ગોંડલના વોરાકોટડા રોડ પર આવાસ યોજના ક્વાર્ટરમાં રહેતા લાલજીએ તેની સાથે રહેતી સંગીતા અર્જુન કુમાર વર્માની સગીર વયની પુત્રીને જાનથી મારી નાખવાની ધમકી આપીને વારંવાર બળજબરીપૂર્વક દુષ્કર્મ બાંધીને ગર્ભવતી બનાવી હતી. આ બનાવની જાણ તેમની માતાને થતાં સમગ્ર મામલો સીટી પોલીસ સ્ટેશને પહોંચ્યો હતો. પોલીસે આરોપીને ઝડપીને તેમની સામે દુષ્કર્મનો ગુનો દાખલ કરીને તપાસ હાથ ધરી હતી.

આ બનાવમાં ચાર સંતાનોની માતા એવી સંગીતાની મુલાકાત થોડા મહિના પહેલા જ રીક્ષા ચાલક લાલજી ગોહિલ સાથે થઈ હતી. બંને વોરાકોટડા રોડ પરના આવાસ યોજના ક્વાર્ટરમાં સાથે રહેતા હતા. એ સમયે નરાધમ પાલક પિતા લાલજીની દાનત બગડતા તેમણે તેમની પુત્રીને પોતાની હવસનો વારંવાર શિકાર બનાવતા સગીરા ગર્ભવતી બની હતી. જેમને લઈને પાલક પિતા સામે લોકોમાં ફીટકારની લાગણી ફેલાઈ હતી. તો બીજી તરફ પોલીસે લાલજી સામે દુષ્કર્મનો ગુનો નોંધીને તપાસ હાથ ધરી હતી.

ગોંડલના વોરાકોટડા રોડ ઉપર આવેલ આવાસ યોજનાના ક્વાર્ટરમાં રહેતા અને રિક્ષા ચલાવવાનું કામ કરતા લાલજી લીંબા ગોહિલે તેની સાથે રહેતા સંગીતાબેન ઉર્ફે સોનલબેન અર્જુન કુમાર વર્માની સગીર વયની પુત્રીને જાનથી મારી નાખવાની ધમકી આપી બળજબરીપૂર્વક અવારનવાર દુષ્કર્મ બાંધી ગર્ભવતી બનાવી દીધી હતી. આ બનાવની જાણ તેની માતાને થતા સમગ્ર મામલો સીટી પોલીસ મથકે પહોંચ્યો હતો. પોલીસે આરોપી વિરુદ્ધ 376 કલમ મુજબ ગુનો નોંધી ગણતરીની કલાકોમાં જ આરોપીની ધરપકડ કરી કાર્યવાહી હાથ ધરી હતી.