રાજકોટઃ રાજકોટ ડિસ્ટ્રીક કોર્ટ દ્વારા મંગળવારના રોજ એક આરોપીને ફાંસીની સજા સાંભળવામાં આવી છે. આરોપી રમેશ બચુભાઈ વેદુકીયા નામના ઈસમે રાજકોટના ભાવનગર રોડ નજીક બે વર્ષ પહેલાં 3 વર્ષની બાળકી પર દુષ્કર્મ આચર્યું હતું અને ત્યારબાદ તેની હત્યા કરી હતી. આ મામલે રાજકોટ ડિસ્ટ્રિક્ટ કોર્ટમાં કેસ ચાલ્યો હતો. જેમાં આરોપી રમેશને ફાંસીની સજા ફટકારી હતી.
કોર્ટમાં જજ ડી.ડી ઠક્કર દ્વારા આ કેસનો ચુકાદો આપવામાં આવ્યો છે. રાજકોટમાં નાની બાળકીના દુષ્કર્મ બાદ હત્યાના કેસમાં આરોપીને ફાંસીની સજા થતા રાજકોટના વકીલોમાં પણ ખુશીનો માહોલ જોવા મળ્યો હતો. ફાંસીની સજા મેળવનાર ઇસમે 9 ફેબ્રુઆરી 2018ના રોજ ભાવનગર રોડ પરથી ત્રણ વર્ષની બાળકીનું રિક્ષામાં અપહરણ કર્યું હતું. બાદમાં પીટીસી ગ્રાઉન્ડમાં લઇ જઇ બાળકીનું માથુ છૂંદી હત્યા કરી હતી. ત્યારે બાળકીની હત્યાના બે દિવસ અગાઉ તેને રાજકોટના પરાબજાર પાસેના કૃષ્ણપરામાં રહેતા 70 વર્ષના અસ્માબેન હાતિમભાઇની પણ લૂંટ ચલાવીને હત્યા કરી નાખી હતી.
