દેશમાં વિધિવત રીતે ચોમાસાના શરુઆત થઈ ગઈ છે. ત્યારે સૌરાષ્ટ્રના પણ મોટાભાગના જિલ્લાઓમાં વરસાદ પડ્યો છે. જેને લઈને મંગળવારે રાજકોટમાં જ વહેલી સવારથી 4 વાગ્યા સુધીમાં અઢી ઇંચ જેટલો વરસાદ નોંધાયો હતો. આ વર્ષે ચોમાસાની શરૂઆત બાદ પ્રથમ વખત જ રાજકોટમાં અઢી ઇંચ જેટલો વરસાદ એકીસાથે ખાબક્યો હતો.
મનપાના પ્રિમોન્સૂનની પોલ ખુલી રાજકોટ મહાનગરપાલિકાની પ્રિમોન્સૂનની કામગીરીની પોલ ઉઘાડી પડી હતી. રાજકોટના કેટલાક નીચાણવાળા વિસ્તારમાં પાણી ભરાઈ ગયા હતા. જ્યારે રસ્તાઓ પર પણ પાણી ભરાઈ ગયા હતા. વરસાદી પાણીના નિકાલની કોઈ વ્યવસ્થા ન હોય જેને લઈને રસ્તા પર ગોઠણ સુધીના પાણી ભરાઈ ગયા હતા. જેના કારણે વિસ્તારવાસીઓમાં તંત્રની પ્રિમોન્સૂન કામગીરી અંગે રોષ જોવા મળી રહ્યો છે.
