કાશ્મીર નિર્ણયને આવકારવા રાજકોટમાં મહાદેવને રાષ્ટ્ર ભક્તિનો શણગાર કરાયો

રાજકોટઃ આજે દેશના વડાપ્રધાન નરેન્દ્રભાઈ મોદી તથા ગૃહમંત્રી અમિત શાહ દ્વારા દેશના ઐતિહાસિક નિર્ણય લેવા માટે પ્રસ્તાવ મુકવામાં આવેલો અને જે પ્રસ્તાવને રાષ્ટ્રપતિ દ્વારા બહાલી મળેલ અને બહુમતીથી કાશ્મીર ના સદી સમયથી સળગતા પ્રશ્ન સમાન કલમ 370 હટાવવાનો નિર્ણય લેવાયો હતો. જે ઐતિહાસીક નિર્ણયથી જીત સમાન સરકારના નિર્ણયને આવકારતા રાજકોટના દેરડી કુંભાજીમાં સ્વયંભુ દુધેશ્વર મહાદેવ ને રાષ્ટ્ર ભક્તિનો શણગાર કરી અર્પણ કરાયું હતું.

આ ઐતિહાસીક નિર્ણયને કારણે દેશમાં તમામ જગ્યાઓ પર ખુશીનો માહોલ જોવા મળ્યો હતો. શ્રાવણ માસના પ્રથમ સોમવારે રાજકોટના દેરડી કુંભાજીમાં બીરાજમાન સ્વયંભુ દુધેશ્વર મહાદેવને કાશ્મીરમાંથી 370ની કલમ દુર થતા, મહાદેવને રાષ્ટ્ર ભક્તિનો શણગાર કરી કાશ્મીરની સ્વતંત્રતા ના રાજકોટ વાસીઓ તરફથી અનોખી ઉજવણી કરાઈ હતી.