ગોંડલ નગરપાલિકા સદસ્ય રાજેન્દ્રસિંહ જાડેજા સન્ડે સલામ ડેના કાર્યક્રમ દરમિયાન આ કિસ્સો બહાર આવતા ખૂદ પાલિકા સદસ્ય પણ ચોંકી ઉઠ્યાં હતાં. આ બનાવની જાણ સમાજ સુરક્ષા વિભાગ સહિતનાઓને કરી હતી. જેમને કારણે સમાજ સુરક્ષા વિભાગના અધિકારીઓ, ગોંડલના ધારાસભ્ય ગીતાબા જાડેજા, મામલતદાર સ્ટાફ નગરપાલિકા સદસ્યો દિવ્યાંગ પરિવારની મુલાકાતે દોડી આવ્યા હતાં.
આ સાથે જ તેમને સરકારની વિવિધ સહાય ચૂકવવાની ખાત્રી આપી હતી, પરંતુ આ પરિવાર પાસે મનોદિવ્યાંગનું ડોક્ટરી સર્ટી ન હોવાની વિગતો જાણવા મળી હતી. અધિકારીઓના જણાવ્યા મુજબ, આ પરિવારના મનોદિવ્યાંગ બાળકોનું તબીબી પરીક્ષણ આવતી કાલે સ્થળ પર જ થશે અંતે તેમને વિવિધ સહાય કરવાનું જણાવ્યું હતું.
સરકાર સેવાસેતુના નામે ઘેર-ઘેર આરોગ્યની ટીમો દોડાવે છે. તેમ છતાં ગોંડલમાં છેલ્લા વીસ વર્ષથી રહેતા આ ગરીબ પરિવારના મનોદિવ્યાંગ બાળકો અને તેમના પરિવારની કફોડી હાલત આજ દિવસ સુધી તંત્રની નજરે કેમ ન આવી તેવા પણ સવાલો અહી ઉઠ્યા છે.