2000થી વધુ રાજપૂતાણીઓ તલવાર રાસ રમી નોંધાવ્યો વર્લ્ડ રેકોર્ડ

રાજકોટના રાજવી માંધાતાસિંહજી જાડેજાનો રાજ્યભિષેકની તૈયારીઓ જોરશોરથી થઇ રહી છે. આ ત્રણ દિવસના ભવ્ય કાર્યક્રમમાં રાજકોટવાસીઓ પણ ઉત્સાહભેર જોડાયા છે. જેના ભાગરૂપે આ સમારોહને ભવ્ય બનાવવા માટે ક્ષત્રિય સમાજના બહેનો અને ભાઈઓ દ્વારા એકસાથે તલવાર રાસ કરીને ગિનિસ બુક ઓફ વર્લ્ડ રેકોર્ડ નોંધાવ્યો હતો.

રાજકોટઃ 17મા રાજા તરીકે માંધાતાસિંહજી જાડેજાનો રાજયભિષેક સમારોહ શરૂ છે. જેના ભાગરૂપે આ સમારોહને ભવ્ય બનાવવા માટે ક્ષત્રિય સમાજના કુલ 2126 દિકરીઓ અને ભાઇઓ દ્વારા એકસાથે સતત 9મિનિટ અને 49 સેકન્ડ સુધી તલવાર રાસ કરીને ગિનિસ બુક ઓફ વર્લ્ડ રેકોર્ડ નોંધાવ્યો હતો. જેનું રાજકોટ સાથે આખું વિશ્વ પણ સાક્ષી બન્યું હતું.

રાજકોટના કાલાવડ રોડ પર આવેલ ડ્રાઈ ઇન સિનેમા ખાતે આવેલ ગ્રાઉન્ડમાં ક્ષત્રિય સમાજના યુવક યુવતીઓ પરંપરાગત વેશ ધારણ કરી આ વર્લ્ડ રેકોર્ડ નોંધાવ્યો હતો. ઉલ્લેખનીય છે કે, આ પહેલા ધ્રોલમાં 2000 જેટલી રાજપૂતાણીઓ દ્વારા તલવાર રાસ કરી વર્લ્ડ રેકોર્ડ નોંધાવ્યો હતો.