ટ્રમ્પને ગુજરાતીમાં 'તેરી લાડકી' ગીત સંભળાવશે કીર્તિદાન ગઢવી

અમદાવાદ ખાતે યોજાનાર 'નમસ્તે ટ્રમ્પ' કાર્યક્રમમાં આગામી 24 ફેબ્રુઆરીના રોજ કીર્તિદાન ગઢવી ટ્રમ્પને ગુજરાતીમાં 'તેરી લાડકી' ગીત સંભળાવશે.

રાજકોટ : આગામી 24 ફેબ્રુઆરીના રોજ અમેરિકન રાષ્ટ્રપતિ ડોનાલ્ડ ટ્રમ્પ ભારતની મુલાકાતે આવવાના છે. ત્યારે તેઓ ખાસ અમદાવાદ ખાતે યોજાનાર 'નમસ્તે ટ્રમ્પ' કાર્યક્રમમાં ભાગ લેવાના છે.

જેને લઈને રાજ્ય સરકાર દ્વારા આ કાર્યક્રમને ભવ્યથી ભવ્ય બનાવવા માટે વિવિધ તૈયારીઓ કરવામાં આવી છે. બીજી તરફ ઘણા ખ્યાતનામ કલાકારો આ કાર્યક્રમ દરમિયાન પરફોર્મન્સ આપવાના છે. જેમાં કીર્તિદાન ગઢવીનો પણ સમાવેશ થાય છે. ત્યારે આ અગાઉ તેમણે ટ્રમ્પના કાર્યક્રમ દરમિયાન 'તેરી લાડકી' ગીત સંભળાવવાની ઇચ્છા વ્યક્ત કરી હતી.