રાજકોટમાં કાતિલ ઠંડીથી જનજીવન પ્રભાવિત, લગ્નપ્રસંગમાં પણ જોવા મળ્યો ઠંડીનો માહોલ

રાજકોટઃ મકરસંક્રાંતિ બાદ ઠંડીનો પારો ઘટવાને બદલે વધતો જોવા મળી રહ્યો છે. વધતી જતી કાતિલ ઠંડીને લઈને જનજીવન ઠૂઠવાઈ જવાં પામ્યું છે. તો બીજી તરફ કમુર્તા બાદ લગ્ન સિજનનો પણ પ્રારંભ થયો છે.

રાજ્યભરમાં ઠૂઠવાઈ રહેલા જીવન વચ્ચે લગ્નમાં પણ ઠંડીનું મોજું ફરી વળ્યું છે. લગ્ન પ્રસંગે કાતિલ ઠંડીને લઈ વર અને કન્યા પક્ષના લોકો એટલે જાનૈયા અને માંડવીયાઓની હાલત પણ કફોડી થઇ ગઇ હતી.

વર કન્યાના પરણેતર વેળાએ કાતિલ ઠંડી જોવા મળતા, રાજકોટ પંથકમાં યોજાયેલ લગ્ન પ્રસંગમાં જાનૈયા અને માંડવીયા તથા દરેક મહેમાનોને ઠંડીથી બચવા માટે તાપણાનો આશરો લેવાની ફરજ પડી હતી.