રાજકોટ જિલ્લાના ગોંડલ તાલુકામાં સોમવાર બપોર બાદ મેઘરાજાએ ધમાકેદાર એન્ટ્રી કરી હતી. જેમાં રાવણા ગામે એક કલાકમાં 5 ઈંચ કરતાં વધુ વરસાદ વરસ્યો હતો. ભારે વરસાદને કારણે ખેતરોમાં પાણી ભરાયા હતા. બંધિયા, ઘોઘાવદર, શ્રીનાથગઢ, કેસવાળા, મેતા ખંભાળિયા, ધરાળા, દેરડી(કુંભાજી) સહિતના ગ્રામ્ય વિસ્તારમાં ભારે પવન અને વીજળી સાથે 3 થી 4 ઈંચ જેટલો વરસાદ વરસ્યો હતો. ભારે વરસાદના કારણે ગોંડલની વસાવડી નદીમાં ઘોડાપુર આવ્યું હતું.
ગોંડલમાં ભારે વરસાદને લઇ વાહનવ્યવહાર ઠપ્પ, ખેતરોમાં પાણી ભરાયા